Te fundit
Donald Trump paralajmëron mundësinë e dërgimit të trupave tokësore në Iran
2 Mars 2026, 18:50Bota
TEMA
Presidenti i Shteteve të Bashkuara, Donald Trump, është shprehur “shumë i kënaqur” me ecurinë e operacionit ushtarak amerikan në Iran, duke theksuar se gjithçka ka qenë e planifikuar me kujdes. Në disa intervista për media amerikane si Fox News, CNN dhe New York Post, ai deklaroi se sulmet kanë qenë një sukses i jashtëzakonshëm.
Sipas Trump, gjatë operacionit janë eliminuar 49 liderë të lartë iranianë, të cilët, sipas tij, po zhvillonin një takim në mëngjes kur ndodhi sulmi. Ai u shpreh se udhëheqësit iranianë “nuk mendonin se SHBA do të sulmonte në mëngjes”, pasi zakonisht, sipas tij, faktorë si era dhe drita e diellit, e bëjnë një sulm të tillë më pak të zakonshëm në atë orar.
Presidenti amerikan theksoi se inteligjenca amerikane kishte informacion të detajuar mbi lëvizjet dhe planet e zyrtarëve iranianë. “Ishte e pabesueshme sa shumë dinim”, deklaroi ai, duke nënvizuar se operacioni kishte qenë i përgatitur prej kohësh.
Në një intervistë për CNN, Trump tha se pas eliminimit të dhjetëra figurave kyçe të regjimit iranian, nuk dihet më kush do e udhëheq vendin. Ai shtoi se situata në Iran është bërë e paqartë, pasi disa prej personave të vrarë konsideroheshin edhe si kandidatë të mundshëm për poste të larta drejtuese.
Ndërkohë, Trump nuk përjashtoi mundësinë e dërgimit të trupave amerikane në terren. Në deklaratën e tij për New York Post, ai u shpreh: “Nuk them si çdo president tjetër se nuk do të ketë ushtarë në terren. Them se ndoshta nuk kemi nevojë, por do të ketë nëse janë të nevojshëm”. Ai shtoi se operacioni, i quajtur “Furia epike”, është shumë përpara afateve të parashikuara.
Deklaratat e presidentit amerikan pritet të rrisin më tej tensionet mes Uashingtonit dhe Teheranit, ndërsa komuniteti ndërkombëtar po ndjek me shqetësim zhvillimet e fundit në rajon.
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Provoje
Ore Idiot para se te dergosh trupa toksore shiqo veten ne pasqyre dhe pyete veten per te kaluaren kur Iket nga Vjetnami,nga Afganistani,nga Iraku ,Syria por mos haro dergo edhe arkivole se dote ju nevoiten per ta rezua regjimin i takon popullit dhe jo dy fashisteve.
I takon popullit heee?! Sic i takonte popullit Skipetar per te rrezuar xhaxhi Verin. Ore jeni vertet kaq idiote apo beni?
Po , i takonte popullit skiptar por ky popull eshte i dhjere
Dmth pushtim....kasaphane do te behet....