Te fundit
FOTO/ IDF pushton parlamentin e Gazës. Gallant: Hamas, ka humbur kontrollin e Rripit
13 Nëntor 2023, 20:40Bota
TEMA
Gazetari i Times of Israel, Emanuel Fabian, ka publikuar një lajm, ku bën të ditur se një njësi qendrore e ushtrisë së Izraelit ka pushtuar parlamentin e Gazës.
TIO thekson se një imazh që qarkullon në mediat sociale tregon trupat e Brigadës Golani të IDF brenda ndërtesës së parlamentit të Gazës në atë që quhet Gaza City.
Ndërtesa e Këshillit Legjislativ Palestinez në Gaza u ka shërbyer vetëm ligjvënësve të Hamasit që nga marrja e Rripit nga grupi terrorist në vitin 2007.
Ministri i Mbrojtjes Yoav Gallant tha sot nga veriu i Izraelit se Hamasi ka humbur kontrollin mbi Rripin e Gazës, ndërsa IDF po lëviz për të kapur plotësisht qytetin e Gazës.
“Nuk ka asnjë forcë të Hamasit në gjendje të ndalojë IDF-në. IDF po përparon në çdo pikë. Organizata Hamas ka humbur kontrollin mbi Gazën. Terroristët po ikin në jug. Civilët po plaçkitin bazat e Hamasit. Ata nuk kanë besim te qeveria,” thotë Gallant, pas një vlerësimi të luftimeve.
Ai thotë se forcat izraelite po përparojnë "sipas planeve dhe po i kryejnë detyrat me saktësi, vdekjeprurëse".
Sipas Gallant, IDF ka "intensifikuar" aktivitetin kundër tuneleve të Hamasit ditët e fundit.
“Ne punojmë sipas detyrave. Nuk kemi kronometër. Ne kemi synime. Ne do t'i arrijmë qëllimet tona, "thotë Gallant, duke iu referuar indikacionit më herët të ministrit të Jashtëm Eli Cohen se presioni ndërkombëtar mund ta detyrojë Izraelin të ndryshojë veprimet e tij në Gaza.
Më të lexuarat
24 oret e fundit
Javen e fundit
Blog Tema
Lini një Përgjigje