Te fundit
FOTO/ Revolucioni iranian që përpiu shoqëruesit e Khomeinit
18 Janar 2026, 11:00Bota
TEMA
Një raport i BBC hedh dritë mbi fatin tragjik të një grupi të vogël individësh që shoqëruan Ajatollah Ruhollah Khomeini në kthimin e tij historik në Iran më 1 shkurt 1979, pas 15 vitesh mërgim.
Sipas BBC-së, shtatë persona – ndihmës dhe shoqërues të afërt shiitë, të cilët udhëtuan me të njëjtin aeroplan nga Franca për në Teheran – u vranë, u ekzekutuan, u zhdukën ose vdiqën në rrethana të paqarta disa vite pas Revolucionit Iranian. Dy prej tyre u vranë, një u ekzekutua, një tjetër humbi jetën në rrethana misterioze, ndërsa një jetoi për vite në mërgim.
Fotografia ikonike e Khomeinit pas mbërritjes në Teheran e paraqet të rrethuar nga aleatë të ngushtë, të cilët në atë moment konsideroheshin fituesit e revolucionit, por shumica e këtyre figurave u lanë mënjanë, u eliminuan politikisht ose fizikisht dhe u zhdukën nga skena publike.
1. Morteza Motahhari:
Motahhari pati një ndikim të rëndësishëm në ideologjinë e Republikës Islamike si një nga teoricienët e revolucionit dhe themelues i Këshillit Revolucionar Islamik para rënies së regjimit të Shahut. Megjithatë, ai u vra më 1 maj 1979 në Teheran.
Një grup islamik i quajtur Al-Furkan mori përgjegjësinë për vrasjen e tij. Ky grup kundërshton Republikën Islamike, duke iu përmbajtur një interpretimi të ndryshëm të Islamit, të cilin disa e përshkruajnë si më radikal.
2. Hassan Lahouti Ashkouri:
Ashkouri ishte një aleat i ngushtë i Ajatollah Khomeinit, por menjëherë pas revolucionit, ai u afrua më shumë me Presidentin Iranian Abolhassan Banisadr dhe nuk ishte dakord me Khomeinin (i cili ishte bërë Udhëheqësi Suprem i Republikës Islamike). Dy vjet pas revolucionit, Ashkuri u burgos dhe vdiq atje disa ditë më vonë.
Familja e tij thotë se ai u helmua.
3. Ahmad Khomeini:
Djali i Ajatollah Khomeinit, i përshkruar si krahu i tij i djathtë. Ai vdiq në mars të vitit 1995 nga një sëmundje e zemrës. Familja Khomeini besohet të jetë politikisht më afër krahut reformist në Iran.
4. Sadegh Ghotbzadeh: Ministri i jashtëm i Iranit pas revolucionit deri në gusht të vitit 1980. Ai u ekzekutua në shtator të vitit 1982 pasi u akuzua për komplot për të vrarë Ajatollah Khomeinin dhe përmbysur Republikën Islamike.
5. Abul Hassan Bani Sadr:
Presidenti i parë i Iranit pas Revolucionit Islamik.
Ai iku nga Irani dhe aktualisht jeton në mërgim në Paris. Parlamenti iranian (Majlis) e shkarkoi Beni Sadrin në mungesë të tij më 21 qershor 1981, duke e shkarkuar nga detyra me akuzat për lidhje me një grup kundër Republikës Islamike.
6. Sadegh Tabatabai:
Dhëndri i Ahmad Khomeinit. Ai mbajti disa pozicione qeveritare pas revolucionit, përfshirë zëvendëskryeministër në qeverinë e Mehdi Bazargan, por më vonë u tërhoq nga politika. Ai vdiq nga kanceri i mushkërive në Gjermani, ku kishte jetuar në vitet e tij të mëvonshme, në shkurt 2015.
7. Dariush Forher: Ai mund të jetë gjithashtu i pranishëm në foto, pasi besohet të jetë personi koka e të cilit është pjesërisht e dukshme në sfond. Ai kundërshtoi formimin e një qeverie klerike dhe u vra së bashku me gruan e tij nga ata që u përshkruan si "elementë mashtrues" brenda Ministrisë së Inteligjencës Iraniane në vitin 1998.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Te gjitha revolucionet qe jane bere ne shoqerine njerzore jane shoqerohur me vrasjet e njerezve me aktiv te revolucionit.
Njilloj si rama edhe ajatollah komeni, te gjithe shoket e ngushte qe para ardhjes ne pushtet kur ishin ne opozite e ndihmuan te vinte ne pushtet me 2013 nuk jane me dhe jan te gjithe ne arrati ose te burgosur dhe te perjashtuar nga partia
Si xhaxhi dhe ky shpellari