Irani do të mbyllë Ngushticën e Hormuzit në rast të ndonjë sulmi të ri amerikan, ka deklaruar një burim iranian i sigurisë për televizionin shtetëror Press TV.

Ky paralajmërim erdhi pasi presidenti amerikan Donald Trump, gjatë samitit të NATO-s në Turqi, deklaroi se SHBA-ja do të “godasë përsëri fuqishëm sonte” Iranin, shkruan Sky News.

“Strategjia e re e Iranit është që pas çdo sulmi, Ngushtica e Hormuzit do të mbyllet plotësisht”, tha burimi.

Bëhet fjalë për një rrugë detare me rëndësi të jashtëzakonshme për ekonominë globale, përmes së cilës në kushte normale kalon rreth një e pesta e furnizimeve botërore me naftë dhe gaz natyror të lëngshëm.

Përveç mbylljes së Ngushticës, burimi paralajmëroi se Irani, pas çdo sulmi amerikan, do të kryejë goditje ndaj “të paktën dyfishit të numrit të objektivave”. Ai dërgoi gjithashtu një kërcënim të tërthortë ndaj aleatëve të SHBA-së në rajon.

“Çdo kërcënim do të përballet me një përgjigje të fuqishme. Irani nuk bën dallim mes SHBA-së dhe partnerëve të saj rajonalë”, shtoi ai.

Ndërkohë, si përgjigje ndaj sulmeve të fundit amerikane, Korpusi i Gardës Revolucionare Islamike të Iranit njoftoi gjatë natës se kishte goditur 85 pika ushtarake amerikane në Bahrein dhe Kuvajt.

Kërcënimi i ri për mbylljen e Ngushticës së Hormuzit vjen pavarësisht deklaratës së presidentit amerikan se Irani “nuk mund të bëjë asgjë” për të ndaluar sulmet e mëtejshme.

Megjithatë, zhvillimet e deritanishme të konfliktit kanë treguar se pikërisht presioni ekonomik përmes Ngushticës së Hormuzit, në të kaluarën, e ka detyruar SHBA-në të ulet në tryezën e negociatave.

Lini një Përgjigje

“Ne duam të jemi pjesë e juaja, e ndjeva dashurinë që keni” - Zbardhet fjalimi i Trump në samitin me dyer të mbyllura të NATO-s, çfarë u tha në deklaratën e përbashkët

16:50 Bota 3 komente

“U shkel armëpushimi, nuk ka zgjidhje tjetër”/ Irani kërkon njohjen e “rendit të ri” në Ngushticën e Hormuzit, shefi i Pentagonit anulon vizitën në Izrael

16:20 Bota

Dhuna në protestë/ Deputetja e PS: Janë bërë agresivë për shkak të tkurrjes së numrit të pjesëmarrësve

Kinse UÇK-ja te “Flamingot” dhe batërdia e simbolit në Kosovë

NATO pritet “të zbarkojë” në Tiranë, gazetari ironizon: Do pritet nga kryeministër Gonia, presidenti Tiku e kryeparlamentari Qorri

“Maskohen si shqiponja diaspore”, Balla nxjerr zbuluar dy protestuesit: Janë arrestuar me 11 mijë doza drogë

“Ndalimi i katër zyrtarëve të RMV, për esktremizëm”/ Karamuço: Ka pasur huliganizëm ndaj ambasadorit shqiptar në Shkup

Samiti i ardhshëm i NATO-s në Tiranë, ministri Hoxha: Mund të ndodhë në vitin 2027, kemi nisur përgatitjet për organizimin