Te fundit
“Kemi kaluar në një fazë të re të luftës”, thotë ministri i mbrojtjes i Izraelit
28 Tetor 2023, 22:00Bota
TEMA
Ministri i Mbrojtjes i Izraelit, Yoav Gallant, ka konfirmuar se operacionet ushtarake kundër Hamasit kanë përparuar.
“Ne kaluam në një fazë të re të luftës”, tha ai në një deklaratë të dhënë në hebraisht.
“Sonte, toka në Gaza u drodh. Ne sulmuam mbi tokë dhe nën tokë. Ne sulmuam operativët terroristë në të gjitha nivelet, në të gjitha vendet. Udhëzimet për forcat tona janë të qarta: operacioni do të vazhdojë derisa të jepet një urdhër i ri”, tha ai.
Më herët, zëdhënësi i Forcave të Mbrojtjes të Izraelit, Daniel Hagari tha se forcat tokësore izraelite ishin brenda Gazës pasi kishin hyrë në enklavë gjatë natës nga veriu.
Forcat izraelite “hynë në Rripin e Gazës dhe zgjeruan operacionin tokësor ku marrin pjesë këmbësoria, forca të blinduara dhe njësitë inxhinierike dhe artileria me zjarr të rëndë”, tha Hagari gjatë një konference për shtyp në Tel Aviv.
“Forcat janë në terren dhe vazhdojnë luftimet”, tha ai, pa dhënë detaje të mëtejshme.
Për më tepër, ushtria izraelite ripublikoi një thirrje për evakuimin e civilëve në Gazën veriore. Kjo deklaratë i referohej një operacioni të afërt të IDF kundër Hamasit në Gaza.
Një ofensivë tokësore është pritur gjerësisht pas sulmeve, por nuk duket se ndonjë operacion i madh që synon kapjen dhe mbajtjen e sasive të konsiderueshme të territorit është ende duke u zhvilluar.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
idiot