Te fundit
Kryeministri polak: Ja pse Budapesti nuk është një zgjedhje ideale për takimin Zelensky-Putin
20 Gusht 2025, 15:13Bota
TEMA
Kryeministri i Polonisë, Donald Tusk, ka komentuar mbi mundësinë që takimi i shumëpritur mes presidentit ukrainas Volodymyr Zelensky dhe presidentit rus Vladimir Putin të zhvillohet në Budapest, duke e cilësuar këtë zgjedhje si jo ideale.
Tusk kujtoi se në vitin 1994, në Budapest, Ukraina mori garanci ndërkombëtare për integritetin e saj territorial nga Shtetet e Bashkuara, Rusia dhe Mbretëria e Bashkuar. Megjithatë, këto garanci më pas u shkelën nga Moska në konfliktin e fundit.
“Ndoshta nuk të gjithë e mbajnë mend, por Ukraina mori garanci për pavarësinë dhe integritetin e saj territorial në Budapest në vitin 1994,” tha Tusk, duke shtuar se megjithëse ai do të preferonte një vend tjetër për takimin, historiku i Budapestit e bën atë një opsion të rëndësishëm.
Gjithashtu, u raportua se Roma, e përmendur si vendtakim i mundshëm, është refuzuar nga pala ruse, duke ngushtuar mundësitë për një vend tjetër.
Ky takim potencial shihet si një hap kyç drejt dialogut për zgjidhjen e konfliktit të vazhdueshëm midis Ukrainës dhe Rusisë.
Budapest? Not everyone may remember this, but in 1994 Ukraine already got assurances of territorial integrity from the US, Russia and the UK. In Budapest. Maybe I’m superstitious, but this time I would try to find another place.
— Donald Tusk (@donaldtusk) August 20, 2025
Më të lexuarat
24 oret e fundit
Javen e fundit
Blog Tema
Lini një Përgjigje