Përpjekja e Donald Trump për të ndryshuar rendin e tregtisë ndërkombëtare me tarifa të larta ka fshirë 5.4 trilionë dollarë nga aksionet amerikane në dy ditë.

Kjo, pasi Pekini zyrtar u kundërpërgjigj me taksat e tij, duke thelluar frikën e recesionit në ekonominë globale, shkruan londinezja Financial Times.

Indeksi S&P 500 ra me 6 për qind të premten, pas një rënie prej 4.8 për qind 24 orë më parë, në vazhdën e njoftimit të “ditës së çlirimit” të presidentit amerikan të mërkurën.

Rënia prej 9.1 për qind e indeksit blue-chip për javën ishte më e madhja e regjistruar që nga fillimi i pandemisë pesë vjet më parë.

Trazirat nënvizojnë sesi planet e Trump për të miratuar një tarifë universale prej 10 për qind dhe për të goditur shumë vende me detyrime më të mëdha “reciproke” brenda disa ditësh kanë tronditur besimin e investitorëve dhe kanë shkaktuar frikën e një ngadalësimi në ekonominë më të madhe në botë.

Kina, eksportuesi më i madh në botë, shtoi ndjenjën e zymtësisë të premten kur njoftoi tarifat prej 34 për qind për të gjitha importet amerikane, vëren FT-ja.

“Nëse tarifat reciproke nuk tërhiqen deri më 9 prill, gjë që nuk mendoj se do të bëhet, me siguri do të shikoni një recesion në Shtetet e Bashkuara dhe Bashkimin Evropian”, tha Ajay Rajadhyaksha, kryetar global i kërkimit në Barclays. “Nëse nuk ka një fund shumë të shpejtë të kësaj lufte tregtare globale, ne mendojmë se do të kemi një recesion të SHBA-ve këtë vit”.

Kryetari i Rezervës Federale Jay Powell paralajmëroi gjithashtu të premten se tarifat e Trump do të shkaktonin “inflacion më të lartë dhe rritje më të ngadaltë”.

“Tani po bëhet e qartë se rritja e tarifave do të jetë dukshëm më e madhe se sa pritej. E njëjta gjë ka të ngjarë të jetë e vërtetë për efektet ekonomike”, shtoi Powell.

Përpara fjalimit të Powell, Trump i kishte bërë thirrje shefit të Fed-it që të ulte kostot e huamarrjes, duke thënë në platformën e tij të mediave sociale se “kjo do të ishte një kohë perfekte” për të ulur normat e interesit.

Ai tha gjithashtu se Kina ishte “panikosur – e vetmja gjë që nuk mund të përballojnë që ta bëjnë”, në një referencë ndaj planit të Pekin-it për t’u kundërpërgjigjur ndaj tarifave të SHBA-ve me detyrimet e tyre të larta.

Por komentet e presidentit amerikan nuk sollën asnjë ndryshim për të qetësuar tregjet e aksioneve mes frikës më të madhe të përkeqësimit të mëtejshëm të perspektivës ekonomike.

Analistët e JPMorgan madje ngritën rrezikun e një recesioni global këtë vit në 60 për qind, nga vlerësimi i tyre i mëparshëm prej 40 për qind.

Ndjenja e rënies ishte e mjaftueshme për të zëvendësuar një raport të fortë punësimi për muajin mars, të publikuar të premten në mëngjes, i cili tregoi se SHBA-të shtuan më shumë vende pune se sa pritej.

“Tregjet e rrezikut po godasin butonin e panikut ndaj hakmarrjes së Kinës”, tha Ladislav Jankovic, një strateg i JPMorgan.

Në një shenjë të thellimit të ankthit nëpër tregje, investitorët u larguan nga obligacionet e korporatave amerikane me vlerësim të ulët dhe asetet e tjera të rrezikshme ndërsa nxituan për t’u strehuar në parajsa të tilla si bonot e thesarit.

Financial Times

4 Komente

l
lexuesi

5 Prill 2025, 20:22

Nje gje te bene pershtypje qe te gjitha vendet qe jane prekur nga tarifat qajne hallin e Americes se do te shkoje ne recession ..!!!!! Ata qe po e zbatojne kete politike e dijne se cfare do te ndodhe keshtu qe vendet e tjera te qajne hallet e tyre ……!!

Përgjigjjuni
1. a
  arrifi
  
  5 Prill 2025, 21:25
  
  .....po me urën ç'paten xhanëm ???
  
  Përgjigjjuni
2. J
  JD
  
  6 Prill 2025, 03:39
  
  Lexues i paditur. Humbi Amerika $5.7 trilion per 3 dite dhe ne Amerike vlojne protestat ne cdo shtet. Jane budallenj njerzit si ju trumpets? Harrova. Ti nuk llogjikon, vetem lexon.
  
  Përgjigjjuni
A
Arbeni

7 Prill 2025, 08:39

Trapi është një njeri pervers e shumë i rrezikshëm,si për USA dhe për gjithë botën.Amerikanët bën një gabim të madh që i dhanë votat një të marri.

Përgjigjjuni