Në shërbim të Putinit? Hetime kundër ish-kryeministrit norvegjez Thorbjörn Jagland në lidhje me skandalin Epstein

Nga Enver Robelli

Sipas një legjende të gjithë norvegjezët janë si moti në vendin e tyre: të ftohtë. Domethënë: racionalë, të logjikshëm, të mirëmenduar. Këtu merr fund legjenda dhe fillon realiteti. Në çdo shoqëri ka njerëz të mirë dhe ka njerëz më pak të mirë. Pastaj ka idiotë. Këtu hyjnë edhe politikanët e korruptuar. Ose të tillë që blihen e shiten lehtë, nëse flasim pak me kujdes.

Thorbjörn Jagland dyshohet të jetë i tillë. Kundër tij kanë filluar hetime nga autoritetet norvegjeze. Thorbjörn Jagland nuk është një filan askushi. Ka qenë kryeministër i Norvegjisë, kryetar i Komitetit të Nobelit, sekretar i përgjithshëm i Këshillit të Europës. Krimineli Jeffrey Epstein dhe Thorbjörn Jagland mbanin një lidhje miqësore. Epstein ishte mbi të gjitha i interesuar që Jagland t’i siguronte atij një takim me Vlladimir Putinin. Sipas mediave norvegjeze, Jagland e luti Epsteinin t’ia gjente ca para për të blerë një banesë. Jagland ishte mysafir në banesat e Epstein në Strassbourg, Paris dhe New York. Më 13 maj 2013 Epstein e porosiste Jaglandin: “Ti mund t’i thuash atij (Putinit) se ke një marrëdhënie të ngushtë me mua dhe se unë e këshilloj (Bill) Gates”.

Jagland ishte për një dekadë sekretar i përgjithshëm i Këshillit të Europës (2009-2019). Në këtë rol ai u takua apo ishte në kontakt të shpeshtë me Putinin. Gjatë një vizite në Moskë më 2018 politikani norvegjez takoi Putinin dhe ministrin e tij të jashtëm. Për shkak të aneksimit të Krimesë, Këshilli i Europës ia kishte marrë Rusisë të drejtën e votës. Por Jagland ishte i interesuar që Rusia sa më shpejt të kthehet plotësisht në skenën e politikës botërore. “Herët apo vonë duhet të kthehemi në një gjendje më normale”, thoshte ai. Përkthyer në gjuhë të kuptueshme: Rusia duhet të trajtohet si shtet normal, ndonëse sillet si shtet jonormal, sulmon vendet fqinje, pushton territore, kërkon asgjësimin e kombeve të tjera, organizon atentate në kryeqytete europiane.

Sjellja puthadorase e europianëve ndaj Putinit e trimëroi atë për të sulmuar gjithë Ukrainën në vitin 2022.

Se raporti i Jagland me kriminelin Epstein ishte shumë miqësor, tregon një mesazh i norvegjezit nga Tirana më 25 maj 2012: „Kam takuar vajza të jashtëzakonshme në Tiranë”. Më 19 janar 2014, ai i drejtohet kriminelit amerikan kështu: „Duhet të fillojmë të planifikojmë Pashkët. A je ende i gatshëm të na presësh?“ Edhe në Këshillin e Europës, Jagland ka treguar zell prej servili për të përhapur narrativat ruse sidomos kundër Kosovës.

Kërcënim ndaj zv/presidentit të SHBA/ 33-vjeçari arrestohet pasi paralajmëroi vrasjen e J.D. Vance

09:20 Bota

Greqi, bastiset Universiteti i Selanikut, policia arreston 313 persona

08:40 Bota 1 koment

SHBA: Kina po kryen testime të fshehta të armëve bërthamore

08:10 Bota

Irani kërcënon SHBA-në: Në rast të një sulmi amerikan, do të godasim bazat e tyre në rajon

07:40 Bota 3 komente

Politico: Skandali “Epstein” po rrëzon klasën politike të Evropës, asnjë pasojë në SHBA

22:50 Bota

Protesta në Milano kundër Lojërave Olimpike, policia hedh topa uji drejt protestuesve. Sërish fishkëllima për Vance, Trump habitet

22:30 Bota

I doli emri 700 herë në dosjet e Epsteinit, Franca nis hetimin ndaj ish-ministrit të Kulturës Jack Lang

21:51 Bota

Nga fotot me AI, te hetimet për vizitën në qeli: Valë teorish konspirative për vdekjen e Jeffrey Epstein

19:30 Bota 2 komente

Ministri i Jashtëm danez: Situata me SHBA-në po përmirësohet, por kriza nuk ka mbaruar

18:59 Bota

Pentagoni ndërpret bashkëpunimin akademik me Harvard, akuzon universitetin për “aktivizëm anti-amerikan”

18:33 Bota 2 komente