Te fundit
Nga trauma te vendimi final: 25-vjeçarja spanjolle zgjedh eutanazinë pas përdhunimit dhe paralizës, rrëfimi i fundit dhe dhimbja familjare
26 Mars 2026, 10:10Bota
TEMA
Një histori e rëndë dhe tronditëse vjen nga Spanja, ku 25-vjeçarja Noelia Castillo ka vendosur t’i nënshtrohet eutanazisë këtë të enjte, duke i dhënë fund jetës së saj me një injeksion vdekjeprurës në qendrën e rehabilitimit ku jeton.
E reja mbeti paraplegjike pas një tentative vetëvrasjeje në vitin 2022, e cila erdhi si pasojë e një përdhunimi në grup që kishte përjetuar po atë vit. Pas ngjarjes, ajo u hodh nga kati i pestë i ndërtesës ku qëndronte, duke pësuar dëmtime të rënda që e lanë të paralizuar.
Noelia vjen nga një familje jofunksionale dhe pjesën më të madhe të fëmijërisë e kaloi në familje kujdestare, pasi prindërit e saj kishin probleme me varësitë. Në vitin 2022, ndërsa jetonte në një qendër shtetërore për gra vulnerabël, ajo u bë viktimë e përdhunimit në grup. Më 4 tetor të po atij viti, pas përdorimit të kokainës, ajo ndërmori aktin ekstrem që ndryshoi përgjithmonë jetën e saj.
Që nga ajo kohë, 25-vjeçarja ka jetuar me dhimbje të vazhdueshme dhe për këtë arsye kërkoi të ushtrojë të drejtën për eutanazi, e cila është e ligjshme në Spanjë që nga viti 2021. Në korrik 2024, një komitet ekspertësh në Katalonjë miratoi kërkesën e saj dhe caktoi procedurën për 2 gusht, por vendimi u pezullua pas apelimit nga babai i saj.
Megjithatë, Noelia iu drejtua më pas Gjykata Kushtetuese Spanjolle dhe Gjykata Evropiane e të Drejtave të Njeriut. Në mars 2025 ajo deklaroi para gjykatës: “Dua t’i jap fund jetës sime me dinjitet”. Vendimi i dhënë në shkurt 2026 nga Gjykata Kushtetuese i dha të drejtë, duke theksuar se nuk kishte shkelje të të drejtave të saj themelore dhe se ajo mund të vazhdonte me vetëvrasjen e asistuar.
Vetëm 24 orë para procedurës, Noelia dha një intervistë për emisionin Ahora Sonsoles në Antena 3, ku foli hapur për vendimin e saj.
“Dua të vdes e bukur. Do të vesh fustanin tim më të bukur dhe do të rregulloj flokët. Do të jetë diçka e thjeshtë”, u shpreh ajo, duke shtuar se dëshironte të ishte vetëm në momentin e fundit, edhe pse kishte ftuar familjarët për t’i dhënë lamtumirën.
Ajo përshkroi dhimbjet fizike dhe emocionale që ka përjetuar prej vitesh: “Dua të iki tani dhe të ndaloj së vuajturi. Nuk kam dëshirë të bëj asgjë… gjumi është shumë i vështirë dhe kam dhimbje të forta në shpinë dhe këmbë”.
Në rrëfimin e saj, Noelia foli edhe për marrëdhëniet e vështira me familjen, veçanërisht me të atin, duke theksuar se ai nuk e ka respektuar vendimin e saj dhe se komunikimi mes tyre është thuajse i ndërprerë.
Ndërkohë, edhe pse nëna e saj kishte kërkuar të ishte pranë në momentin e fundit, 25-vjeçarja e refuzoi këtë kërkesë, duke preferuar që të ndahej nga jeta në vetmi dhe në mënyrën që ajo e kishte zgjedhur vetë.
6 Komente
Lini një Përgjigje
Më të lexuarat
24 oret e fundit
Javen e fundit
Blog Tema
E tmerrshme! Cfare fati i keq per kete vajze te re!
Njeri me karakter te forte! Respekte!
Tragjike kto janë pasojat që lenë pas perversat seksual atyre nuk ju intereson fare shkatërrimin shpirtëror që lenë tek viktimat e tyre,një vendim tepër i vështirë por dhe kurajoz i vajzës në fjalë,e përdhunuar,e paralizuar, ç'kuptim do të kishte jeta për të.
Jete me trauma ekstreme,fat i zi i kesaj vajze te bukur.Te paret fajtore me te jane vete ata qe e sollen ne jete. Vendimi i saj eshte plotesisht i justifikuar.
TË NDRISTË SHPIRTI - FATZEZA TI! JETËN NUK E LË SE NUK E DOJA, AJO MA KTHEU SHPINËN. EPITAF.
Keqardhje. Kur njeriu me mendje te kthjellet,arrine ne nje vendim te tille extrem,do te thote se ka arsye ,qe askush nuk mund ti konceptoj dhe dhembje qe askush nuk i ka perjetuar! I ndrit shpirti fatkeqes! As Zoti nuk e deshi as nerzia dhe as fati!