Te fundit
Një amerikan që spiunoi në Ukrainë për Moskën, merr shtetësinë ruse
15 Korrik 2025, 18:42Bota
TEMA
Një amerikan, i cili kishte spiunuar trupat ukrainase në emër të Moskës pas fillimit të ofensivës në vitin 2022, mori një pasaportë ruse, njoftuan të martën autoritetet pro-ruse në Ukrainën lindore.
Daniel Martindale vizitoi Ukrainën në shkurt 2022 dhe i dha informacione strategjike Moskës për dy vjet, siç janë pozicionet e trupave dhe infrastrukturës, deri në largimin e tij në vitin 2024, sipas agjencive shtetërore ruse.
“Me dekret të Presidentit tonë Vladimir Putin, Daniel Martindale iu dha një pasaportë qytetari të Federatës Ruse”, tha të martën në Instagram Denis Pushilin, udhëheqësi i pushtimit rus të rajonit Donetsk të Ukrainës. “Ai ka provuar prej kohësh përmes besnikërisë dhe veprimeve të tij se është një prej nesh”, shtoi ai në mesazhin e tij, të shoqëruar nga një video në të cilën shihet Daniel Martindale, me kostum dhe kravatë, në prani të zyrtarëve rusë.
Ai “ndihmoi djemtë tanë, transmetoi informacione të rëndësishme te shërbimet tona speciale”, përshëndeti Denis Pushilin.
Ceremonia u zhvillua në Moskë, sipas agjencisë shtetërore ruse Tass.
“Falënderoj Rusinë që më pranoi”, tha Martindale në rusisht, me pasaportën e re në dorë, duke buzëqeshur, duke e quajtur vendin e tij të adoptuar një “familje”.
Sipas Pushilin, Daniel Martindale u evakuua nga Ukraina gjatë një “operacioni special kompleks” kur jeta e tij u konsiderua “në rrezik”.
Mediat shtetërore ruse raportuan në nëntor 2024 se Martindale ishte evakuuar në Rusi dhe kishte filluar procesin e aplikimit për shtetësi ruse.
Rusia pretendon aneksimin e rajonit të Donetsk-ut në Ukrainën lindore, por kontrollon vetëm një pjesë të territorit të saj.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Gazetare idiote, mesoni si te shkruani. Nuk shkruhet mori shtetesine, por nenshtetesine.
"“Me dekret të Presidentit tonë Vladimir Putin, Daniel Martindale iu dha një pasaportë qytetari të Federatës Ruse”fitore për martindale!!tashti ka mundësinë të bëjë më shumë për rusinë!!mund ta çojnë në front në skuadrat Z!!