Te fundit
Paralajmërimi i Italisë pas bisedës me Putinin: Do të ketë përmasa gjigante dhe pasoja të tmerrshme
27 Maj 2022, 09:09Bota
TEMA
Raund i ri kontaktesh mes Perëndimit dhe Rusisë. Gjatë këtyre muajve kishte qenë presidenti francez, Emmanuel Macron, ai që kishte vendosur kontakte telefonike me Vladimir Putin.
Tani është radha e kryeministrit italian Mario Draghi. Kështu kanë raportuar të dyja qeveritë dhe pas telefonatës, italiani ka dërguar një mesazh aspak të mirë: “Kriza e urisë që po afrohet dhe e cila tashmë është e pranishme në disa vende afrikane, do të ketë përmasa gjigante dhe pasoja të tmerrshme humanitare”.
Në një dalje të shkurtër para mediave, Draghi ka zbuluar përmbajtjen e bisedës së tij me liderin rus. Një bisedë “për të diskutuar zhvillimin e situatës në Ukrainë dhe përpjekjet për të gjetur një zgjidhje të përbashkët për krizën aktuale të urisë dhe pasojat e saj serioze në vendet më të varfra në botë”.
Ndër kërkesat e tij, thekson Draghi, ishte që të bëhej gjithçka që është e mundur për të zhbllokuar situatën e drithërave të ngecur në portet e Ukrainës, nga e cila varet ushqimi i miliona njerëzve në botë.
Sipas kryeministrit italian, këtij problemi mund t’i jepet fund me një bashkëpunim teorik mes Rusisë dhe Ukrainës për të zhbllokuar portet e Detit të Zi, ku ka miliona kilogramë grurë. Draghi i tha Putinit se do të fliste edhe me Presidentin ukrainas, Volodymyr Zelensky për të diskutuar këtë çështje.
Të dy vendet, Ukraina dhe Rusia, janë ndër eksportuesit më të mëdhenj të grurit. Bllokada ruse e porteve të Ukrainës ka kompromentuar dërgesën e këtyre ushqimeve, duke gjeneruar një rritje të madhe të çmimit të drithërave, vajrave, plehrave dhe karburanteve. Kremlini është i gatshëm të japë një “kontribut të rëndësishëm”, por për ta bërë këtë kërkon që të hiqen kufizimet e vendosura ndaj Moskës.
Siç i shpjegoi Putin kryeministrit të Italisë, sasia e grurit që ndalohet “nuk mjafton për të zgjidhur krizën ushqimore, nevojat janë më të mëdha, por unë them se është e rëndësishme të eksportohet gruri i ngecur në porte më parë”. Për këtë, megjithatë, Evropa dhe Shtetet e Bashkuara duhet të bëjnë një hap prapa në masat e tyre kundër Rusisë.
Të dy udhëheqësit folën gjithashtu për zhvillimin e luftës. Kremlini bën me dije se “Vladimir Putin raportoi për punën e vazhdueshme për të krijuar një jetë paqësore në qytetet e çliruara të Donbasit.
Ai foli në detaje për hapat e ndërmarrë për të garantuar sigurinë e transportit detar, duke përfshirë hapjen e përditshme të korridoreve humanitare për nisjen e anijeve civile nga portet e Azovit dhe Detit të Zi, i cili pengohet nga pala ukrainase”.
Së fundi, Putini i ofroi Italisë garanci për një “furnizim të pandërprerë me gaz natyror me çmimet e përcaktuara në kontrata”.
9 Komente
Lini një Përgjigje
Më të lexuarat
24 oret e fundit
Javen e fundit
Blog Tema
RUSIA MBSKS ME BUKE BOTRN NDERSA AMERIKA MBSKA ME SRME BOTEN PRS E ARMET DO TI MSRRIM NGS AMERIKA THOTE MINISTRI I MBROJTJES NDERSA BUKEN DO TA MARRIM NGA SERBIS APO RUSIA THOTE KRYEMINISTRI
Me duket se nuk je Alfa Romeo por, ZIS sovjetik i viteve 50-te
Ha ha ha , i madh je Petrit .
Perendimi si gjithmone hipokrit dhe i paskrupullt. E para nuk ka pse pret nga te tjeret te ndalojne katastrofen ushqimore. Mund te jape dicka nga vetja, pasi Perendimi hedh ne plehra 8 deri ne 12 here me shume rezerva ushqimore, se i shkojne pjese tjeter te botes per tu ushqyer. Pastaj me cfare fytyre mund ti kerkosh presidentit te nje vendi te mbytur nga sanksjonet e Perendimit, qe te mendoje me shume per te tjeret se per mbijetesen e vet?!
Pordhe gazetash apo pislleqe politikanesh. Keshtu i bie qe gjithe boten e ka mbajtur gjalle Rusia dhe Ukraina.
AFRIKA KA MBI 50 VJETE QE VUAJNE URINE E BUKES .NDERSA EUROPA KA MBI 20 VITE QE HUDHE USHQIMET NEPER KAZONAT E PLEHRAVE ,SIDOMOSE HOTELET LLUKSOZE ME 5000 YJE THOTE NINI I PORTOKALLISE .
Vetem ushqimet qe hedh europa gjoja si te skaduara furnizojne ter afriken .kaq duhet .
Franca dhe Italia jane dy vende qe jane te zhytura ne korrupsion me Rusine dhe sigurisht ky do qe reagimi i tyre Putini kerkon ti hiqen sanksionet dhe po i perdor politikanet Francez dhe italian po USA asnjehere nuk do pranoje te hiqen sanksionet Po vjen koha qe NATO te nderhyje ne Ukraine dhe ti ktheje ruset prap ne stepat e tyre
Franca dhe Italia jane dy vende qe jane te zhytura ne korrupsion me Rusine dhe sigurisht ky do qe reagimi i tyre Putini kerkon ti hiqen sanksionet dhe po i perdor politikanet Francez dhe italian po USA asnjehere nuk do pranoje te hiqen sanksionet Po vjen koha qe NATO te nderhyje ne Ukraine dhe ti ktheje ruset prap ne stepat e tyre