Te fundit

Pentagon-i pranon mundësinë e përshkallëzimit të luftës në Ukrainë

31 Maj 2022, 10:10Bota TEMA

Pentagon-i pranon mundësinë e përshkallëzimit të

Kryetari i Shefit të Shtabit të Përbashkët, Mark Milley, pranoi mundësinë e përshkallëzimit të luftës në Ukrainë.

Ai beson se javët e ardhshme mund të përcaktojnë rrjedhën e mëtejshme të luftës.

Lajmin e bën të ditur agjencia ukrainase “Ukrinform”, duke cituar intervistën e gjeneralit amerikan për Fox News.

“Besoj se gjithmonë ekziston mundësia e përshkallëzimit, duhet ta menaxhojmë dhe të vlerësojmë shanset e përshkallëzimit të cilën po e bëjmë”, theksoi fillimisht Milley.

Gjenerali shtoi gjithashtu se sekretari amerikan i Mbrojtjes Lloyd Austin është në kontakt të vazhdueshëm me Ministrin e Mbrojtjes të Ukrainës.

Sipas Milley-t, kjo lejon “të menaxhohet dhe të parandalohet përshkallëzimi”.

Shefi i ushtrisë amerikane u shpreh se “betejat operative vendimtare” midis forcave ukrainase dhe pushtuesve rusë në Ukrainën lindore janë duke u zhvilluar.

Kujtojmë se qeveria amerikane po shqyrton mundësinë e furnizimit të Ukrainës me sisteme raketash breshërie (MLRS) si ndihmë e huaj.

Sipas raportimeve të mediave, është duke u konsideruar transferimi i MLRS-ve, por jo me mundësinë e goditjeve nga distanca.

Lini një Përgjigje

Më të lexuarat

Blog Tema

Powered by Tomorrow.io