Te fundit
Raketa e "pathyeshme" e Putinit, Rusia ka gati planin për përdorimin e raketës bërthamore
2 Shtator 2024, 19:40Bota
TEMA
Shefi i Kremlinit, Vladimir Putin ka gati planin për të vënë në zbatim përdorimin e raketës me mbushje bërthamore, shpesh herë e etiketuar si raketa e pathyeshme.
Lajmi është për i ditur nga dy burime për agjencinë e lajmeve Reuters. Dy studiues amerikanë thonë se kanë identifikuar vendin e mundshëm të vendosjes në Rusi të një rakete të re kruiz apo lundruese e armatosur me armë bërthamore, e quajtur gjithashtu edhe si raketa “Skyfall”.
Putin ka thënë se arma “Skyfall”, ka një rreze pothuajse të pakufizuar dhe mund t'i shmanget mbrojtjes raketore të SHBA.
Por disa ekspertë perëndimorë kundërshtojnë pretendimet e tij dhe vlerën strategjike të Skyfall, duke thënë se ajo nuk do të shtojë aftësitë që Moska nuk i ka tashmë dhe rrezikon të përhapë një fatkeqësi nëse shpërthen rrezatimi.
Duke përdorur imazhet e marra më 26 korrik nga Planet Labs, një firmë komerciale satelitore, dy studiuesit identifikuan një projekt ndërtimi që i afrohet një objekti magazinimi të kokave bërthamore të njohur me dy emra - Vologda-20 dhe Chebsara - si vendndodhja e mundshme e raketës së re.
Objekti është duke u ndërtuar 475 km në veri të Moskës. Imazhet satelitore identifikojnë nëntë platforma lëshimi horizontale në ndërtim. Ato janë të vendosura në tre grupe brenda mureve të larta për t'i mbrojtur nga sulmi ose për të parandaluar një shpërthim aksidental, citon Reuters.
Rusia "ka një sistem raketor të madh dhe i vetmi sistem raketor i madh dhe që ata po zhvillojnë aktualisht është Skyfall", tha burimi për Reuters.
Departamenti Amerikan i Shtetit, CIA, Zyra e Drejtorit të Inteligjencës Kombëtare dhe Qendra Kombëtare e Inteligjencës Ajrore dhe Hapësinore e Forcave Ajrore të SHBA-së nuk pranuan të komentojnë.
Identifikimi i vendit të mundshëm të lëshimit të raketës tregon se Rusia po vazhdon me vendosjen e saj pas një sërë testesh në vitet e fundit, thekson Reuters.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Sa te jete arme berthamore nga shtete te ndryshme nuk ka lufte...........
Kjo raketa e pathyeshme do vendoset ne nje platforme qe shikohet me satelit nga USA. Pra kur te filloje tamam instalimi dikush do i shkaterroje platformat me dron (nga Ukrahina se Amerika eshte shume larg) dhe pastaj si do behet me keto raketat? A do instalohen apo jo?