Të dërguarit e Trump presion Ukrainës të lëshojë Donbasin

Emisarët amerikanë të presidentit Donald Trump kanë ushtruar presion ndaj delegacionit ukrainas gjatë negociatave në Berlin që Kievi të heqë dorë nga kontrolli mbi pjesë të rajonit të Donbasit, raporton AFP, duke cituar një burim të njohur me ecurinë e bisedimeve.

Sipas burimit, përfaqësuesit amerikanë Steve Witkoff dhe Jared Kushner, kanë kërkuar që Ukraina të tërheqë trupat nga rajonet e Donbasit që aktualisht janë nën kontrollin e saj, si kusht për vijimin e bisedimeve të paqes me Rusinë.

Pas një takimi të zhvilluar të dielën në Berlin, Witkoff deklaroi se ishte arritur “përparim i rëndësishëm”, megjithatë pala ukrainase shpresonte të bindte Shtetet e Bashkuara se një armëpushim duhet të arrihet pa lëshime territoriale paraprake ndaj Rusisë.

“Putini kërkon territor”, tha burimi për AFP, duke shtuar se kërkesa amerikane për tërheqjen e Ukrainës nga këto rajone është refuzuar nga Kievi. “Ukraina nuk pranon këtë kërkesë”, theksoi ai.

Burimi e cilësoi qëndrimin amerikan si të pazakontë, duke deklaruar se “është pak e çuditshme që amerikanët po mbajnë qëndrimin e rusëve për këtë çështje”.

Ndërkohë, kancelari gjerman Friedrich Merz, i cili po zhvillon diplomaci intensive krize në Berlin, pritet të takohet me presidentin ukrainas Volodymyr Zelensky.

Më vonë gjatë mbrëmjes, atyre do t’u bashkohen edhe liderë evropianë, si dhe përfaqësues të NATO-s dhe Bashkimit Evropian, për të shprehur mbështetje për Ukrainën.

Negociatat mes delegacioneve të Ukrainës dhe Shteteve të Bashkuara për të ashtuquajturin “plan paqeje” kanë përfunduar tashmë, ndërsa takimet e Zelensky-it me liderët evropianë janë planifikuar të zhvillohen gjatë mbrëmjes.

Raundi i dytë të bisedimeve SHBA-Ukrainë, Kievi: Jemi afër marrëveshjes

16:57 Bota 2 komente

“Largohu nga Donbasi”, SHBA shton presionet për Kievin edhe nga takimi i Berlinit

15:44 Bota 4 komente

Meloni thirrje Europës: Duhet të forcojmë mbrojtjen vetë, SHBA-ja do tërhiqet

13:10 Bota 8 komente

Kaja Kallas: Putin nuk do ndalet me Donbasin, pastaj radhën e ka e tërë Ukraina

12:48 Bota 7 komente

Heshtje, luks dhe mërgim: jeta e re e Assadit në Moskë

12:13 Bota 15 komente

Analiza: Firma e ISIS-it në sulmin në Sydney, autorët kishin bërë një betim

12:02 Bota 9 komente

Kamala Harris drejt një gare të re për Shtëpinë e Bardhë

11:55 Bota 6 komente

Shefi i ushtrisë britanike: I gjithë vendi duhet të përgatitet për kërcënimin rus

11:17 Bota 4 komente

Rabini i vrarë dhe heroi arab

11:04 Bota 9 komente

I mbijetoi Holokaustit por gjeti vdekjen gjatë festës hebraike! Kush janë disa nga viktimat e sulmit fatal në Australi

10:31 Bota 38 komente