Te fundit
Tensionet në Lindjen e Mesme, Reuters: Irani pranon të mos prodhojë ose blejë armë bërthamore sipas draft-marrëveshjes
14 Qershor 2026, 15:00Bota
TEMA
Irani ka rënë dakord që të mos prodhojë apo blejë armë bërthamore, sipas një draft-memorandumi mirëkuptimi mes Teheranit dhe Shteteve të Bashkuara, ka deklaruar një zyrtar i lartë iranian për agjencinë Reuters.
Sipas këtij burimi, çështja e uraniumit të pasuruar ekzistues do të diskutohet brenda 60 ditëve nga arritja e një marrëveshjeje fillestare. Irani, sipas tij, kërkon që procesi i hollimit të materialit bërthamor të menaxhohet brenda territorit të vet.
Zyrtari ka shtuar se SHBA-të kanë pranuar të lehtësojnë përkohësisht sanksionet mbi naftën iraniane, duke i lejuar Teheranit të eksportojë dhe të përfitojë të ardhura nga shitjet.
Po ashtu, drafti i raportuar parashikon edhe lirimin e rreth 25 miliardë dollarëve asete të ngrira iraniane, si dhe diskutime për linja krediti dhe transferta financiare përmes vendeve rajonale.
Në marrëveshjen e përshkruar përfshihen edhe pika për:
-rihapjen e Ngushticës së Hormuzit për transportin tregtar
-pezullimin e sanksioneve të reja amerikane derisa të finalizohet marrëveshja përfundimtare
-moszgjerimin e objekteve bërthamore iraniane dhe ndalimin e pasurimit të uraniumit gjatë fazës tranzitore
Sipas të njëjtit burim, SHBA-të do të lejojnë gjithashtu hollimin e rezervave të uraniumit të pasuruar brenda Iranit, përmes një mekanizmi që pritet të negociohet në 60 ditët në vijim.
Megjithatë, këto pretendime vijnë vetëm nga pala iraniane dhe ende nuk janë konfirmuar zyrtarisht nga Shtetet e Bashkuara.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
U pērpoq bota qē Koreja Veriut, Pakistani, Izraeli,India., tē mos kishin armē nucleair por sot disa kan 80 dhe disa 500.Dhe Irsni nēse do kalonte kētē ngērç, do rreshtohej te 5 superfuqit Kina Bashkimi Sovjetik,Franca Anglia dhe SHBA-tē.Duhet ditur qē asnjē shtet nuk mund tē pērdor armēt kundra njēri tjetrit pa njē arsye tē siguris kombetare ku deri tani ēshtē parē vetēm me Japonin.Pēr prodhimin e njē armē bērthamore duhet njē çentral energjetik qē pasuron uraniumin nē 90 %.Ne e pasurojm nē 40% pēr eksport.