Te fundit
Tensionet Von der Leyen-Kallas thellohen, në lojë kontrolli mbi delegacionet e BE-së
11 Qershor 2026, 23:00Bota
TEMA
Përplasjet mes presidentes së Komisionit Evropian Ursula von der Leyen dhe shefes së diplomacisë së BE-së Kaja Kallas duket se po thellohen edhe më tej. Sipas një dokumenti të cituar nga Financial Times, po shqyrtohet mundësia e reduktimit të ndjeshëm të kompetencave të Shërbimit Evropian për Veprim të Jashtëm, institucioni që koordinon politikën e jashtme të Bashkimit Evropian.
Propozimi parashikon që një pjesë e përgjegjësive të këtij institucioni, përfshirë menaxhimin e delegacioneve diplomatike të BE-së në botë, t’u kalojë Komisionit Evropian dhe qeverive kombëtare. Dokumenti argumenton se struktura aktuale nuk po i përgjigjet në mënyrë efektive sfidave të reja gjeopolitike.
Megjithatë, shumë vëzhgues e shohin këtë iniciativë si pasojë të tensioneve të vazhdueshme mes ekipit të Von der Leyen dhe atij të Kallas. Një nga pikat më të debatueshme lidhet me emërimin e kreut të ri të delegacionit të BE-së në Meksikë, një post me rëndësi në rritje pas forcimit të marrëdhënieve tregtare me vendin latino-amerikan. Kërkesa e Kallas për të emëruar një bashkëpunëtore të saj ka shkaktuar pakënaqësi në disa kryeqytete europiane dhe brenda vetë institucioneve të BE-së.
Shenja të kësaj klime të tensionuar janë shfaqur edhe në mënyrë simbolike, me mesazhe që janë interpretuar si sinjale të tërthorta mes dy kampeve. Pavarësisht debatit, ekspertët vlerësojnë se një reformë e tillë do të ishte e vështirë për t’u realizuar, pasi kërkon mbështetje të gjerë nga shtetet anëtare.
Gjithashtu, ndryshime të tilla mund të krijojnë përplasje të reja politike brenda Bashkimit Evropian, veçanërisht me vendet baltike që mbështesin një rol më të fortë të diplomacisë europiane në çështjet e sigurisë dhe të Ukrainës.
Më të lexuarat
24 oret e fundit
Javen e fundit
Blog Tema
Lini një Përgjigje