Te fundit
Trump shpreh besim tek Al-Sarrah dhe pezullon sanksionet ndaj Sirisë për 180 ditë të tjera
11 Nëntor 2025, 07:40Bota
TEMA
Nga “lista e zezë” e FBI-së për terroristët e kërkuar në një vizitë historike në Shtëpinë e Bardhë . Presidenti i përkohshëm i Sirisë , Ahmed al-Sarrah , u prit të hënën (10/11) nga Presidenti i SHBA-së Donald Trump , në një tjetër moment të rëndësishëm për ish-xhihadistin.
Me rastin e vizitës historike, Departamenti i Shtetit njoftoi pezullimin e sanksioneve kundër Sirisë për 180 ditë të tjera, në dritën e vendimit të Kongresit të SHBA-së për t’i hequr ato përfundimisht.
Presidenti sirian mbërriti në Shtëpinë e Bardhë në orën 11:37 të paradites, pa hyrë nga hyrja kryesore dhe pa respektuar protokollin që zakonisht rezervohet për krerët e shteteve dhe qeverive. Gazetarët nuk u ftuan në Zyrën Ovale në fillim të takimit me presidentin amerikan, siç është zakon gjatë vizitave zyrtare.
Ahmed al-Sarra doli nga Shtëpia e Bardhë rreth orës 13:20, duke u ndalur shkurtimisht për të përshëndetur mbështetësit që po e brohorisnin.
Duke folur me gazetarët, Trump më vonë shprehu besimin e tij tek presidenti i përkohshëm sirian, duke thënë se ai shkon mirë me të dhe se mendon se po bën një “punë shumë të mirë” në vendin e tij. “Ata thonë se ai kishte një të kaluar të vështirë. Ne të gjithë kemi pasur një të kaluar të vështirë”, komentoi ai.
Në një deklaratë të shkurtër, presidenca siriane tha se të dy udhëheqësit diskutuan “mënyrat për të zhvilluar dhe forcuar” marrëdhëniet dypalëshe, si dhe “disa çështje rajonale dhe ndërkombëtare”.
Në një postim në platformën X, Ministri i Informacionit Hamza al-Mustafa njoftoi se Siria kohët e fundit nënshkroi një marrëveshje bashkëpunimi me koalicionin ndërkombëtar anti-xhihadist të formuar në vitin 2014 për të mposhtur Shtetin Islamik (IS). “Marrëveshja është politike dhe deri më tani nuk përfshin komponentë ushtarakë”, shpjegoi ai.
Ahmed al-Sarra mori pushtetin në Damask dhjetorin e kaluar si kreu i një koalicioni islamist që rrëzoi Presidentin Bashar al-Assad. Që atëherë, ai ka udhëtuar gjerësisht jashtë vendit, ndërsa qeveria e tij kalimtare kërkon ta nxjerrë Sirinë nga izolimi ndërkombëtar me të cilin u përball nën Assadin.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
ahah . Trumpi shpreh besim tek.... ! " Ai eshte djale i mire " ! Pasi u firmos marrveshja per bazen ushtarake amerikane ne Siri ( Amerikanet po zevendsojne Ruset) , Trumpi ja hoqi sanksjonet Sirise per 180 dite. Sa lire qe shitet e drejta per nje baze ushtarake ? Tani amerikanet do kene ambasaden me te madhe ne lindjen e mesme, ne Liban . Bazen me te madhe ushtarake ne lindjen e mesme ne Siri , plus 2 baza ne Jordani dhe nje baze ne izrael . pas disa vitesh do kete me shume ushtar amerikan ne lindjen e mesme se sa popullsi vendase.
█ Trump Era █ ✔✔ jam duke degjuar bolero të soraya, loop in you tube ( nuk ka lidhje me bolero të maurice ravel ) . sa herë që unë do te shoh te lakohet ( në sens negative ) emri i numrit 1 te usa , donald trump në median e z. baze , une do te shtroj pyetjen : a keni pasur kontakt ( ose degjuar ) me ndonjë ( per ndonjë ) gjerman ose gjerman-amerikan ( mr. d. trump me prinder gjerman ), dhe më thoni një ves te tyre . per ata ( gjerman , ose gjerman-amerikan ) do te degjohen superlativa te tipit : këmbngulës , shumë të PËRULUR , të zgjuar , të sjellshëm , te dashur me punën , te prirur vetëm per të bërë mirë , zero problem , zero paragjykym , te ndershem ,vizionar , humor klas ,kanë aftësinë te njohin mosmirnjohsin ( karakteristika te popujvet Anglo-Saxon ). 2☻kujt nga ju nuk do ti pelqente te jetonte dhe te punonte ne mes te ketyre njerzvet ? 3☻ ps 1 - une nuk kam parë dhe degjuar per ndonje personalitet qe te kete charizmën e donald. karakteri nuk varet nga vrima e shurrës . të denueshme janë vrasja , dhuna , mashtrimi , disinformimi , abuzimi etc .