Te fundit
Venezuela 'godet' mafien shqiptare! Ministri Cabello: Operojnë nga Ekuadori
14 Janar 2026, 16:20Bota
TEMA
Ministri i Punëve të Brendshme, Drejtësisë dhe Paqes, Diosdado Cabello, ka njoftuar sekuestrimin e një ngarkese masive prej 6.850 kilogramësh drogë.
“Me këtë rezultat, shteti venezuelas arrin shifrën e 7.148 kilogramëve të sekuestruar, vetëm gjatë 13 ditëve të para të muajit janar”, u shpreh ai.
Sipas mediave të huaja Cabello sqaroi se ngarkesa kryesore përbëhej nga 238 thasë, të cilët përmbanin gjithsej 14.280 pako. Cabello theksoi se operacioni përfundoi me sekuestrimin e 6.850 kilogramëve substanca të paligjshme. Sipas ndarjes së ngarkesës, ajo përbëhej nga 14.199 pako marijuanë (6.758 kg) dhe 81 pako kokainë (91 kg).
“Është një goditje shumë e fortë ndaj narrativës që thotë se Venezuela lehtëson trafikun. Nga këtu nuk do të kalojë as kokainë, as marijuanë, asnjë lloj droge që shteti mund ta ndalojë në rrugën e saj”, deklaroi Cabello, duke nënvizuar se çdo sekuestrim përfaqëson heqjen e një këmbë nga tryezae strukturës logjistike kriminale.
Cabello bëri të ditur se edhe në shtetin Zulia janë zhvilluar operacione, shumica e të cilave të lidhura me sekuestrime droge. Procedura e parë që përmendi ishte arrestimi i tre personave që posedonin 75 pako marijuanë, me peshë totale 39 kilogramë të së njëjtës substancë.
Operacioni i dytë përfshiu arrestimin e tre personave të tjerë që kishin 50 pako dhe 50 kilogramë marijuanë në shtetin Zulia. Ai sqaroi se të përfshirët në të dy rastet janë të lidhur me mafien shqiptare që operon nga Ekuadori dhe se ai, si ministër, po zhvillon një luftë reale kundër narkotrafikut. Cabello shpjegoi se, duke bllokuar rrugët detare dhe ajrore, mafiet detyrohen të përdorin rrugë tokësore, ku janë më të ekspozuara ndaj mbikëqyrjes shtetërore.
6 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Vazhdoni operacionin me InterPol ku parate e kesaj mafie jane kthyer ne kulla betoni ne Tirane e kudo ne Shqiperi me miratimin e Ed Brekushexhiut.
O idiot, do ishte vertet mire nese parate do investoheshin ne Shqiperi...
Ai i ka mendte po ti a i ke? Kur do ta kuptoni qe injektimi i parase se piste ne ekonomine reale e shkaterron ate? Kur do ta kuptoni se Shqiperia po zbrazet sepse eshte futur ne ekonomi para e piset pa fund? Dhe kjo para e piset e ka bere te pa perballueshme jetesen per njerezit normale qe jetojne nga ekonomia reale. Dhe kjo eshte nje nga arsyet kryesore qe njerezit ikin nga ky vend.
Ramaduro dhe Olsiduro i kane shtrire tentakulat e tyre anembame botes. Uroj qe te dali dikush dhe tja presi.
Dil ti dhe Sal Serbi dhe ne ju vijme nga pas, ja u ngulim ...
Nuk egziston mafia shqiptare. Jane kokrra kokrra qe i lidh e kaluara e pandeshkuar kriminale e viteve 1990 - 2000, te cilret ne Shqiperi duhet te ishin ne burg. Interpali nje nga nje po i zbulon e ndeshkon. Zyrtaret latino-amerikane "s'kane cfare i bejne gomarit dhe i bien samarit".