Te fundit
VIDEO: Flakët rrethojnë hotelet me turistë në Turqi
21 Shtator 2025, 16:43Bota
TEMA
Një zjarr i madh përfshiu të shtunën pasdite një zonë turistike në Antalia, në bregdetin jugor të Mesdheut në Turqi, duke shkaktuar evakuime nga hotelet dhe vendosur autoritetet në gjendje gatishmërie të lartë.
Zjarri shpërtheu në rajonin e Belekut, një zonë e njohur turistike, ku videot amatore treguan pamje dramatike të evakuimeve gjatë natës.
Turistët u shoqëruan në mënyrë urgjente larg hoteleve, nën kërcënimin e flakëve që përparonin me shpejtësi për shkak të erërave të forta.
Sipas mediave turke, një tjetër vatër zjarri u ndez midis zonave të Kundusë dhe Belekut, duke krijuar një front të ri zjarri në një seri shpërthimesh që kanë përfshirë provincën e Antalias ditët e fundit.
Agjencia lokale e lajmeve Antalya Hakkında raportoi se zjarri ka kërcënuar fillimisht zonat me serra me luleshtrydhe, përpara se të përhapej drejt bregdetit të Mesdheut, duke vënë në rrezik infrastrukturën turistike dhe banesat bregdetare.
Operacioni për shuarjen e flakëve është shndërruar në një përpjekje maratonë, me 800 zjarrfikës, 14 avionë dhe 20 helikopterë të angazhuar në terren.
Ndryshimi i vazhdueshëm i drejtimit të erës po e vështirëson ndjeshëm ndërhyrjen dhe po e bën rrugën e zjarrit të paparashikueshme.
Autoritetet lokale mbeten në gjendje gatishmërie të lartë, ndërsa evakuimet nga resortet turistike dhe shtëpitë private vazhdojnë, me qëllim mbrojtjen e jetës së banorëve dhe vizitorëve në rajonin më të gjerë të Antalias.
???????? | Direct-energy weapons and arson teams set off wildfires in Antalya, flames hitting the 5-star Titanic Deluxe Golf Belek hotel and spreading into bars. Guests evacuated, damage heavy. This was no accident, it was a strike. pic.twitter.com/yF5rJo3F6B
— Aprajita Nafs Nefes ???? Ancient Believer (@aprajitanefes) September 21, 2025
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Sa merak që bëheni , sikur s'ka turq sa të duash . Mua më vjen keq për turistët .
Mos u bë dhe ti si ai ministri turk që gëzohej për përmbytjet në SHBA. Kur ndodhi tërmeti në Tuqi, amerikanët nuk ja kthyen me të njëjtën monedhë, por dërguan ndihmë. Ti duhet të jesh antitank me fjalë, pr turke në shpirt. Tipa si ti ka shumë.
Gjynof.