Te fundit
Kush është Arjeta, sipërmarrësja që prodhoi makinën e parë të blinduar ushtarake në Shqipëri
21 Qershor 2024, 14:00Sociale
TEMA
Në Shqipëri gratë dhe vajzat po depërtojnë edhe në industrinë e prodhimit të automjeteve. Arjeta Puca themeluese e kompanisë “Timak”, që bazohet në punën e vajzave, në pak vite ja ka dalë të prodhojë disa qindra të tilla, së fundi dhe prototipin e makinës së parë të blinduar ushtarake, e cila do të ekspozohet në panairin Eurosatory në Paris. Nën moton “gratë në timonin e ndryshimit” zonja Puca po ndërton të ardhmen e saj në Shqipëri, pas kthimit nga emigracioni.
“Pas 25 viteve, të ngarkuara me mall për Shqipërinë, më në fund e vendosa të kthehem. Në familje vazhdimisht dëgjoja të thuhej “do kthehemi në Shqipëri”. Nuk dija asgjë, thjesht kisha mallin për vendin tim”- nis rrëfimin për Zërin e Amerikës, Arjeta Puca, themeluese e Kompanisë “Timak”.
Arjeta është vajza nga Dibra që pas vitesh 25 vitesh vendosi të rikthehet në Shqipëri, prej nga ishte larguar me prindërit në fillim të viteve 90 në moshën 4 vjeçare, në Ankara të Turqisë. E arsimuar në degën e inxhinierisë kompjuterike, me një përvojë pune në Japoni dhe Gjermani, ajo vendosi të sjellë me vete gjithçka kish fituar krah prindërve të saj. Ata zotërojnë një kompani për prodhimin e makinerive borëpastruese si dhe të atyre për panelet diellore prej gati 20 vitesh në Ankara. Fillimi pas rikthimit 9 vjet më parë ishte i vështirë.
“ Fillimi ishte i vështirë, nuk dija mirë gjuhën, nuk kisha shoqëri, e ndjeja veten të izoluar. Përpiqesha të krijoja rrjetin e duhur të komunikimit, të mësoja sa më shumë. Ka qenë më shumë mësim dhe krijim i njohjeve të reja. Kam mësuar jashtë mase shumë. Puna ime
e parë, ka qenë shitja e automjeteve borëpastruese. Nuk ka patur shumë kërkesë dhe bëja çdo punë tjetër”- tregon Arjeta.
Por ajo nuk dorëzohet, dhe krijon Kompaninë “Timak” si një nismë për shtimin e produkteve “Made in Albania”. Gjatë fillimeve të punës që bazohej në tregëtimin e automjeteve të ndryshme, Arjeta tregon se e tërhoqi autoambulanca dhe ja doli ta prodhojë atë për herë të parë në Shqipëri.
“ 2 deri në 3 vite nuk kishte punë, thjesht bëja aplikime. Në kohën e Covid 19-ës ishte kaos. Më pas filluam prodhimin e autoambulancave. Në bashkëpunonim me një kompani në fillim për prodhimin e tyre. Ajo na e la punën në mes dhe e përfunduam vetë. Pas kësaj filluan të vijnë kërkesa të tjera. Patëm dhe kërkesa për prodhimin e makinave zjarrfikëse, të makinave të policisë apo klinikave mjekësore të lëvizshme. Për të gjitha në thamë po. I studiuam dhe i bëmë. Për Ukrainën në morëm një kërkesë nga OKB-ja për të prodhuar autoambulanca. Ja dolëm të prodhojmë 11 të tilla për dy javë. Kemi punuar natë-ditë” -shprehet ajo.
Kjo ishte një pikënisje e fortë dhe sot kompania e themeluar prej saj e cila ka në qendër punën e vajzave, prodhon disa lloj automjetesh dhe i tregton ato në më shumë se 20 shtete.
Së fundi Arjeta synon të prekë një tjetër një përmasë.
“Shota” quhet, prototipi i makinës së parë të blinduar ushtarake të prodhuar në Shqipëri nga kompania Timak, e themeluar prej saj 8 vjet më parë. Ka zgjedhur emrin e luftëtares shqiptare “Shota”, që luftoi për mbrojtjen e trojeve shqiptare, në fillim të shekullit të kaluar.
“ Ishte shumë e mundimshme. E kemi projektuar për dy muaj. Kemi patur mbështetjen e dizenjuesit shqiptar Gregor Andoni. Bashkë me inxhinierët dhe vajzat e stafit kemi punuar me shumë emocione, sepse është makina e parë ushtarake shqiptare.Ne emrin e kishim lënë surprizë. Të gjithë ishin të emocionuar për emrin kur e panë. Kemi punuar me të vërtetë me shumë dashuri”- tregon Arjeta Puca.
Makinë ushtarake vepër e mendjes dhe pasionit të një vajze si Arjeta Puca, do të ekspozohet në panairin e mbrojtjes dhe të sigurisë “Eurosatory” Paris, që do të qëndrojë hapur nga data 17 deri më 21 qershor, dhe ku pritet të marrin pjesë rreth 60 vende. Shqipëria përfaqësohet me Shotën e saj të Kompanisë Timak, nën logon “Gratë në timonin e ndryshimit.”
Zëri e Amerikës ndoqi momentet e fundit para se ky mjet të niste këtë rrugëtim.
“Ne kemi parë që mjetet ushtarake nuk prodhohen në Shqipëri, dhe kemi patur kërkesa, për këto mjete ngaqë arritëm të bëjmë autoambulancën e blinduar. Pamë që në Shqipëri nuk ka prodhues dhe e morëm këtë iniciativë dhe të jemi pionerë në këtë drejtim”-pohon Arjeta Puca.
Arjeta është e rrethuar nga 15 vajza. Ka zgjedhur të punojë me to, të ofrojë dhe të marrë prej tyre më të mirën. Ato janë duke i dhënë dorën e fundit projektit për Shotën.
“Nuk është projekti i parë kaq sfidues. Na pëlqejnë sfidat dhe gjithmonë i marrim përsipër. Nuk i themi jo asnjë oferte dhe projekti të ri”- thotë ajo.
Por i gjithë ky pasion i Arjetës ka një bazë të fortë trashëgimie që është babai i saj Shpëtim Puca. Ka dashur që Arjeta si fëmija i dytë pas një vajze të jetë djalë, – “por sot jam krenar për të”- tregon ai për Zërin e Amerikës.
“Gjithmonë kur kishte Arjeta ndonjë problem gjatë punës i thosha, çfarë të bëj unë që nuk kam baba se ti e ke babain, mos u shqetëso. Për çdo gjë e kam ndihmuar”- shprehet Shpëtim Puca, babai i Arjetës.
“Arsyeja që unë jam këtu është babai. Më ka marrë me vete në punën e tij që 9 vjeç. Jam mësuar të shoh hekura apo vajin hidraulik. Është me të vërtetë arsyeja kryesore që unë merrem me këto gjëra. Gjithmonë më ka mbështetur dhe asnjëherë nuk më ka thënë, ti nuk e bën dot këtë apo atë punë. Që fëmijë më ka dhënë çekiçin apo mjete të tjera në dorë”- tregon Arjeta.
Dhe teksa ndjek çdo detaj në momentet e fundit para se kjo makinë ushtarake për mbrojte të dalë nga shtëpia e prodhimit, ajo rrëfen synimin e saj për familjen.
“Qëllimi final është që ne të gjithë si familje të realizojmë ëndrrën tonë, për t’u kthyer në Shqipëri”- thotë ajo.
Qindra automjete kanë në thelb përkushtimin dhe punën, e 15 vajzave të kompanisë “Timak” me në krye Arjetën, së fundi edhe Shota e cila po nis rrugëtimin drejt Parisit. Tashmë ajo është për to një ëndërr e realizuar.
14 Komente
Lini një Përgjigje
Më të lexuarat
24 oret e fundit
Javen e fundit
Blog Tema
BIG BRAVO!!!!
Madje jo vetem bravo ketire Hanemeve por tju jepet edhe nga nje...."Puca"!
Ushtria dhe Xhandarmeria franceze, prej vitesh, furnizohet me automatike dhe pistoleta të prodhimit gjerman kur vetë Franca e ka pasur po aq cilesor kete prodhim... Histori e jetuar me nje dibran nga vitet e fundit të "socializmit".... Dibrani gjendet për mik në një fshat gjysmë mysliman gjysmë të krishterë në kufi me Bregun, në jug... Biseda, raki e meze, fjala sillte fjalën dhe ne një. Osent dibrani thotë: Çudi, s'kam degjuar kurrë nga fshati juaj të flasin keq për Bregun, kurse ata të Bregut çfarë nuk thonë për ju... Ia pret i zoti i shtëpisë: Miku na paska veshë të mprehtë, se ne nuk kemi degjuar gjë...
Nuk ka te thote se cprodhon Franca , po per pistolete gjermanet dhe beretta italiane qe ka filialin e saj ne USA dhe qe i perdor gjithe policia amerikane ...jen me fame ...jo vetem kato por glock austriake eshte me e mira ...prodhon Franca por nuk jene te nivelit qe kerkohet ...Franca eshte e terbuar per fregatat e saj te famshme dhe per aeroplanet e saj ...
Bravo Arieta. E shkolluar , por ajo qe eshte me kryesorja me nisiative . Urime!
boll o mos na cani bythen me gjithe keto perralla me nastradin made in albania. Ky vend vetem mut prodhon, te tjerat jane llogje kavaje
Prandaj qenke gjithmone i ngopur ti ?? E paske mbushur barkun me mut ....vazhdo se mire e ke ...
Eshte nji inovacion ,nji arritje dhe jo me pak vlere dhe nga Femra Shqiptare . Gjith rrespektin tim per kto goca ,qe kan ideee, kan deshire per te punur e ndryshur dicka ne jeten e ksaj shoqerie ktij Shteti Parazitesh e Maskarenjesh, ordiner, qe vecse te Vjedhurit /Trdhetise e Krimit ,s'kan ditur t'i afrojne tjeter Shqiperise .Te till njerez kreativ i duhen ksaj Shoqerie ,ktij vendi . Rrespekt per femren Shqiptare qe i tregon burrave rolin e vertete ne shoqeri
Respect, dhe te lumte moj vajze, mos degjo idiote si ky me larte per vazhdo me guxim perpara…????
Timak eshte kompani turke dhe keto vazjat jane thjesht per figure. Gjithecka prodhohet ne turqi.
Founded in 2016, Timak has been taking its place among the leading machinery and superstructure companies of Turkey and since 2016 in Albania. Vet meri Timak eshte turk.
Shume bravo per gocat! Por nga i gjithe shkrimi dhe intervistat, nuk flitet dhe nuk kuptohet se cfared do te thote u prodhua makina e pare e bliduar ushtarake shqiptare: Kush e prodhoi motorrin e makines, sistemin e drejtimit dhe sigurise se saj, logjistiken e nivelin elektronik, ku e gjeten blindin e makines, e te tjera e te tjera. Nese eshte fjala se keto gocat ne Shqiperi vetem montojne e pershtasin se cfare gjejne ne tregun me te lire boteror dhe i vene makine s nje emer shqiptar, kjo nuk do te thote se ne Shqiperi filloi prodhimi i makinave te blinduara. A ka ndinje fjale per koston e makines, per eficencen e saj, per sigurine qe u ofron ekipeve ushtarake qe do ta perdorin? A ka eksperimente per rezistencen e saj dhe per qendresen ndaj exploziveve ne rruge apo ne terren? Sa i qendrueshem apo i padepertueshem eshte blindi? Shqiperia ka nje eksperience komike me prodhimin e traktorit te pare shqiptar qe e prodhoi Kombinati i Autotraktoreve ne Tirane dhe qe e drejtoi vete Mehmet Shehu per here te pare por qe nuk eci as 100 metra dhe mbeti si kau ne brinje. Dhe nuk duhet harruar se ne ate kohe Shqiperia kishte ngritur nje industri mekanike me nje park relativisht bashkekohor makinash metalprerese, mdje automatike qe punonon ned drejtimin ekompjuterave. Kurse sot, industria mekanike shqiptare eshte inegzistente ne kuptiminliteral te fjales. Mos u masni me hijen e mengjezit dhe mos ju beni fresk inisiativave fiktive qe vetem mashtroine njerezit dhe nuk i sjellin asnje dobi vendit, pervecse shterimin e aseteve financiare tona. Jam kurioz ta di nese a ka ndonje kompania e Arjetes me ndonje ndermarrje shqiptare, apo sa e angazhuar eshte Ministrija jone e Mbrojtjes ne financimin e saj dhe me kontrata per blerjen e tyre per ushtrine shqiptare, Ju lutem jini me serioze dhe kini me shume respekt per publikun shqiptar dhe per te verteten.
Eshte kompani turke
vajza merret me modifikime shasish jo me prodhim makinash ,fjala prodhim nenkupton shume procese te cilat nuk behen tek kjo sipermarrje ,jepuni emrin qe kane gjerave ......