Te fundit
Ministria e Brendshme nuk jep më tendera! Miratohet vendimi, do të krijohet shoqëri aksionare me kapital 100 % shtetëror
7 Shtator 2023, 20:02Ekonomia
TEMA
Qeveria ka miratuar në mbledhjen e kësaj të enjteje vendimin që Ministria e Brendshme të mos japë me tendera.
Pas kërkesës së ministrit të Brendshëm Taulant Balla, Agjencia e Blerjeve të Përqendruara nuk i përket më kësaj ministrie.
Ndërkohë, me vendim të qeverisë, është vendosur krijimi i një shoqërie aksionare me kapital 100 % shtetëror. Do të quhet Operatori i Blerjeve të Përqendruara dhe do të ofrojë shërbime të prokurimeve për autoritetet apo entet kontraktore. Kjo shoqëri do të jetë nën varësinë e ministrisë përgjegjëse për ekonominë.
Kapitali fillestar për krijimin e kësaj shoqërie është 20 milionë lekë dhe do të mbulohet nga fondi rezervë i buxhetit të shtetit.
Kështu, OBP-ja do të jetë organi qendror blerës, me mision “kryerjen e procedurave të përqendruara të prokurimit për mallra, punë, shërbime të fondeve buxhetore me vlerë mbi kufirin monetar të prokurimeve me vlera të vogla, për llogari të Kryeministrisë, ministrive dhe institucioneve në varësi të Kryeministrisë e ministrave të linjës”.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Agjencia e Blerjeve të Përqendruara ne Ministrine e Rendit ishte çerdhja me e madhe e korrupsionit dhe paaftesise ne shtetin shqiptar. Cfaredo qe te beje kjo agjencia e re, me keq se ABP e Rendit nuk e ben dot punen. Nje veprim shume i vonuar i Qeverise, por me mire vone se kurre !