Te fundit
Ç’po ndodh me prodhimin vendas? Në gusht blemë 4 herë më shumë ushqime sesa shitëm
18 Shtator 2024, 20:50Ekonomia
TEMA
Në muajin gusht Shqipëria bleu rreth 4 herë më shumë ushqime pije e duhan sesa eksportuam drejt vendeve të tjera. Të dhënat e raportit të tregtisë së jashtme tregojnë se kulmin e sezonit veror, importet u rritën më tej si pasojë e konsumit të lartë për shkak të turizmit ndërsa eksportet vijuan pikiatën.
Nga 3 miliardë lekë produkte ushqimore të shitura në tregjet ndërkombëtare, ne blemë prej tyre rreth 14.2 miliardë lekë për vendin tonë.
Kjo situatë ka shqetësuar unionin tregtar, kryesisht prodhuesit vendas. Një euro e dobët ka bërë që prodhimet shqiptare të shitura në vendet e tjera të bien me 18.2%, duke sjellë fitimet më të ulëta në 2 vitet e fundit, në 22 miliardë lekë.
Ndërsa importet qëndrojnë më të larta se 1 vit më parë. Janë kryesisht mineralet, lëndët djegëse por dhe teksilet e këpucët që ndikuan negativisht tek eksportet.
Nga ana tjetër importuam më shumë ushqime, produkte kimike, makineri e pajisje. Për shkak të rënies së eksporteve dhe rritjes së importeve muajin e kaluar, u thellua dhe më tej deficiti tregtar, i cili arriti në 47 miliardë lekë. Ky deficit vijon të jetë ndër më të lartët në 3 vitet e fundit. (Marinela Lina)
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Po pyesni nipin e spiro kolekes mbase di no gje apo ai ka hallin e evropit nuk merret me gjera kaq te vogla..