Te fundit
Rama: Dërgesat e parave nga Europa në Shqipëri apo anasjelltas pa kosto financiare nga 1 janari 2025
21 Nëntor 2024, 21:35Ekonomia
TEMA
Kryeministri Edi Rama përmes një njoftimi në rrjetin social X tha se Shqipëria u bë sot pjesë e sistemit unik europian të pagesave.Pas kësaj, të gjitha dërgesat e parave të shqiptarëve nga Europa në Shqipëri apo anasjelltas nuk do të kenë më kosto financiare duke nisur nga 1 janari i vitit të ardhshëm.
”Një tjetër hap i madh në rrugën drejt Shqipërisë 2030 në Bashkimin Europian. Shqipëria u bë sot pjesë e sistemit unik europian të pagesave, që do të thotë se të gjitha dërgesat e parave të shqiptarëve nga Europa në Shqipëri apo anasjelltas, nuk do të kenë më kosto financiare duke nisur nga 1 janari 2025.
Miliona e miliona euro të kursyera nga detyrimet mbi dërgesat, falë rritjes së besimit tek Shqipëria dhe afrimit të mëtejshëm të Shqipërisë drejt majës së anëtarësimit në BE.
Shqipëria bëhet pjesë e shtrirjes gjeografike #SEPA – një tjetër moment historik, duke dhënë frytin e përpjekjeve të përkushtuara dhe angazhimit të palëkundur nga qeveria, sektori financiar së bashku me partnerët tanë në një përpjekje të pakthyeshme për t’u përafruar në çdo aspekt me standardet dhe parimet evropiane. Nga fjalët tek veprat, integrimi i Shqipërisë në Evropë dhe sjellja e Evropës në Shqipëri”, shkruan Rama në X.
????????Një tjetër hap i madh në rrugën drejt Shqipërisë 2030 në Bashkimin Europian????????
Shqipëria u bë sot pjesë e sistemit unik europian të pagesave, që do të thotë se të gjitha dërgesat e parave të shqiptarëve nga Europa në Shqipëri apo anasjelltas, nuk do të kenë më kosto financiare… pic.twitter.com/0bwCuOsNtZ— Edi Rama (@ediramaal) November 21, 2024
Shqipëria, nga sot, është pjesë e zonës gjeografike të skemave të pagesave SEPA. Shqipëria është angazhuar në përpjekje për përafrimin e rregulloreve dhe sistemeve kombëtare të pagesave me standardet e Bashkimit Evropian (BE), duke u bërë pjesë e grupit të parë të vendeve të Ballkanit Perëndimor që i bashkohen zonës gjeografike SEPA, si parakusht për hyrjen në BE.
Si rezultat, të gjithë pjesëmarrësit ekzistues të skemës së Këshillit Evropian të Pagesave (KEP) do të mund të dërgojnë apo të marrin Transferta Krediti SEPA (SCT), Transferta Krediti të Shpejta (SCT Inst) dhe Debitime Direkte SEPA (SDD) nga dhe për pjesëmarrësit në skemat SCT, SCT Inst dhe SDD nga Shqipëria, kur institucionet e tyre financiare të aderojnë në këto skema.
Aderimi i institucioneve financiare shqiptare në skemat e pagesave SEPA, sipas kalendarit të KEP-it, do të mundësohet duke nisur nga muaji prill 2025, ndërsa KEP-i do të komunikojë në një moment të dytë datën e gatishmërisë operacionale (ORD) për ofruesit e shërbimeve të pagesave (OShP) që operojnë në Shqipëri.
Përfitimet e Shqipërisë nga pjesëmarrja në SEPA për qytetarët dhe ekonominë
Ulja e kostove është përfitimi i parë, më i prekshëm dhe i matshëm për të gjithë qytetarët dhe bizneset shqiptare. E thënë më thjesht, përmes SEPA-s, qytetarët dhe bizneset shqiptare do të kryejnë pagesa dhe transferta ndërkufitare sikur të ishin qytetarë të Bashkimit Evropian dhe anasjelltas.
Me kryerjen e transfertave nëpërmjet SEPA-s, kostoja e pagesave ndërkufitare në Euro me vendet anëtare të skemës vlerësohet se do të jetë minimalisht 5 herë më e ulët. Sipas vlerësimeve tona paraprake, kursimi për ekonominë shqiptare mund të jetë të paktën 20 milionë euro në vitin e parë, për t’u rritur në mënyrë progresive në vijim. Njëkohësisht, ulet koha e kryerjes së pagesave dhe rritet konkurrenca nëpërmjet prezantimit të produkteve dhe shërbimeve moderne dhe të sigurta.
Në një plan më të gjerë, përfitimet e tjera do të shtrihen në fushat e tregtisë, turizmit, remitancave, investimeve direkte, etj. Projeksionet vlerësojnë se në afat të mesëm, ekonomia shqiptare do të përfitojë disa qindra milionë euro nga anëtarësimi në SEPA.
Puna për anëtarësimin e Shqipërisë në SEPA ka nisur që prej vitit 2021, kur Banka e Shqipërisë u bë pjesë e projektit rajonal “Për modernizimin e sistemeve të pagesave në vendet e Ballkanit Perëndimor”. Në fushën e pagesave është bërë përpjekje e konsiderueshme në përafrimin e sistemeve dhe rregulloreve kombëtare të pagesave me standardet e Bashkimit Evropian, duke veçuar këtu miratimin e ligjit “Për shërbimet e pagesave” dhe të kuadrit rregullator për zbatimin e tij.
Top Channel
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
?
Ho me artisto, pikturisto, skicisto! Kjo ishte strategjia e Rilindjes tënde. Ti bëjmë Shqiptarët që të ikin sa më shumë, se po ikën paret pas do ti sjellin. Dhe mqs remitancat nuk ishin ato që priteshin fillove me skema lehtësimi se si ti bëjmë ti sjellin paret pas. (Harron ti që ata po ndërtojnë jetë, perspektiva, bizneset dhe të ardhmen femijësh jashtë. Priti artisto! Se për pension ndoshta i ke aty...
Super......
Për qytetarët e thjeshtë dhe aktivitetet ligjore është gjë shumë pozitive.Por nuk do ndalohen dot paratë e pista që vijnë me toyota.Ato nuk mund të hyjnë në bankat Evropiane.Në bankat shqiptare,PO.
Nese flasim per nje rruge te drejte dhe te paster Ligjore...Ky eshte nje Lajm shume i mire per neve te gjithe .....Se ne shume vite kemi paguar aqe shume qe po ti mbledhesh ne mbi 30 vite..... bejne goxha Euro.... te pakten une mund te kem paguar em Unest-Union apo em Mony-Gram mbi 4300 Euro.... kure i pguna Taksat e Transefrtit muaj per muaj te duken pake....por ne shume vite behen goxha....keshtu qe eshte nje miresi per secilin......komentet e tejra jane simba soreksit..... Naturisht duhet Lavderuar i nderuari z. Edi Rama per cdo miresi qe na i sjelle me Ligjet.... Mos haroni secili mund te kujtoje Historine qe kure erdhi ne Bashkine etiranes e deri em sote , vetem mrekullira ka bere....epo me luge florriri normal gje qe nuk realizohet....se florrite dhe pasurite e te gjithe shqiperise.... i kane pervetesuar vetem nje grup rreth i ngushte i atyre qe shkateruan shqiperine.....