Te fundit

Nuk ka më nevojë për përkthyes: AirPods Pro 3 ju përkthejnë bisedat drejtpërdrejt në vesh!

10 Shtator 2025, 16:22Hi-Tech TEMA
Nuk ka më nevojë për përkthyes: AirPods Pro 3 ju

Apple ka prezantuar funksionin më të ri për AirPods Pro 3 gjatë eventit të 9 shtatorit: Live Translation (Përkthim i Drejtpërdrejtë). Ky opsion i lejon përdoruesit të bisedojnë në gjuhë të ndryshme pa pasur nevojë të mbajnë telefonin në dorë.

Mjafton një gjest i thjeshtë në kufje për të nisur seancën e përkthimit. Apple Intelligence përpunon atë që thotë bashkëbiseduesi dhe e kthen në gjuhën tuaj të preferuar, duke e luajtur përkthimin drejtpërdrejt në vesh, ndërsa iPhone shfaq (dhe mund të lexojë me zë) përgjigjen tuaj.

Nëse të dy personat përdorin AirPods të pajtueshme, secili dëgjon përkthimin privatisht në kufjet e veta, duke e bërë komunikimin më të natyrshëm.

AirPods Pro 3 mund të porositen që nga sot dhe dalin në treg më 19 shtator. Funksioni fillimisht mbështet anglishten, frëngjishten, gjermanishten, portugalishten braziliane dhe spanjishten e Spanjës, ndërsa Apple premton shtimin e gjuhëve të tjera brenda vitit.

Risia e Apple shënon një hap përtej përdorimit klasik për muzikë dhe thirrje, duke e kthyer AirPods në një mjet të fuqishëm për udhëtime dhe aksesueshmëri.

Lajmi i mirë është se Live Translation do të funksionojë edhe për AirPods Pro 2 dhe AirPods 4, jo vetëm për modelin e ri./ E.K

Lini një Përgjigje

Më të lexuarat

Blog Tema

Powered by Tomorrow.io