Te fundit
404 mijë euro mbetën jetime, Rozeta Dobit i ofrohet bashkëpunim për të folur. Ja dy ofertat
12 Janar 2023, 18:19Kronika
TEMA
Prokuroria e Tiranës, ka kërkuar bashkëpunimin me Rozeta Dobin alias Rakipllarin, pastruesesen e arrestuar për vjedhjen e shumave të mëdha të eurove në banesën e Alda Klosit, ish-drejtoreshës së Kabinetit të ministrit Arben Ahmetaj.
Gruaja që tronditi opinionin publik me vjedhjen e rreth 525 mijë euro, 8500 dollarëve, 368.000 lekëve dhe 110 sendeve me vlerë, vijon të mbajë misterin e pronësisë së një shume financiare prej 404 mijë euro, të gjetura në tubin e aspiratorit në banesën e saj.
Por kur janë mbushur katër ditë nga zbulimi i shumës financiare, prokuroria nuk ka qartësuar se kush e disponon pjesën prej 404 mijë euro. Grupi i hetimit pranë prokurorisë së Tiranës, ka zgjedhur të ndjekë teknikalitete, duke ofruar bashkëpunim me Rozeta Dobin.
Me shpresën se dëshmia e saj, do sjellë zbardhjen e plotë të ngjarjes dhe zbulimin e emrit të pronarit të 404 mijë eurove, mësohet se prokuroria e Tiranës, i ka ofruar Rozeta Dobit bashkëpunim dhe lehtësim të pozitës penale të saj në këtë çështje.
Në këmbim të dëshmisë së sinqerte dhe zbulimit të pronarit të eurove, prokuroria ka ofruar tek Rozeta dhe zbutjen e masës së sigurisë së djalit të saj, Havier Dobi, me qëllim lirimin e tij nga burgu.
Të dyja ofertat tashmë janë dhënë dhe pritet vetëm dëshira e të arrestuarës Rozeta Dobi, nëse pranon të flasë ose jo, përballë prokurorëve.
Dobi së bashku me djalin e saj, prej ditës së shtunë janë mbyllur në burg, si persona që kanë bashkëpunuar me njëri-tjetrin në vjedhjen e një shumë prej 525 mijë eurove.
Sipas dosjes hetimore, zyrtarja kallëzimin e ka bërë pasi familjarët kanë konstatuar se banesa ishte e hapur dhe e shkatërruar.
Alda Klosi deklaroi se ditën e ngjarjes i janë vjedhur një shumë në valutë të huaj më shumë se 120.000 euro, të cilat kanë qenë në prerje 500 (peseqindeshe) dhe 200 (dyqindeshe) si dhe një shumë prej 30.000 (tridhjetëmije) dollar, të cilat kanë qenë prerje 100 (njëqindëshe).
Më tej Alda Klosi, ka deklaruar se këto para i kishte të xhaxhait dhe nuses së xhaxhait të saj i cili i'a ka lënë për të kompletuar shtëpinë e tyre dhe për nevoja të tyre pasi xhaxhain e ka të sëmurë me kancer dhe për çdo nevojë që do të kishte, pasi djali i tyre është me probleme dhe këto lekë janë të mbledhura ndër vite nga ana e tyre pasi jetojnë në Amerikë dhe në këtë kohë ai po kurohet në Amerikë.
8 Komente
Lini një Përgjigje
Më të lexuarat
24 oret e fundit
Javen e fundit
Blog Tema
404 mij euro jane te Artan hoxhes po nuk ka bythe ti marrin,prandaj them se gazetaria duhet futet ne shenjester
Mund te jene dhe te Qim Pekes… ????????????
dnth paska pas te drejt çuni qe i shkruante ne leter dashnores se do dilte per 2 muaj. allaha allah.
Ajo do të pendohet dhe të bashkëpunojë, por po e la avokati
I adoptoje une 400 mije € mqs paskan ngel jetim
Si del njeri per zot 400 mije eurove??? Ku kemi arritur???
Po sikur ai ,miku i 400 mije eurove ti beje nje oferte me te mire si vete puna o prokurore bythe
Vodhi hajduti hajdutin dhe u habit zoti! Proverb i vjeter armen