Te fundit
Artan Tafani dëshmon si ekzekutuan kushëririn e Laert Haxhiut: Merrte akoma frymë, trupin ia lidhëm me gurë që të fundosej në rezervuar
4 Qershor 2025, 15:45Kronika
TEMA
I penduari i drejtësisë Artan Tafani ka zbuluar në dëshminë e tij një tjetër plan vrasjeje, atë të Fridman Xhaferajt, në 2 qershor 2023 në Korçë, një nga krimet më rënda të kryera nga Laert Haxhiu dhe banda e tij.
Xhaferaj sapo kishte dalë nga burgu i Peqinit, teksa akuzohej për djegien e një makine në Lushnjë, porosi që ishte dhënë nga kushëriri i tij, Laert Haxhiu.
Para vrasjes, Tafani ka dëshmuar se i tha Xhaferri se do paketonin hashash. Dhe më pas, trupin ia hodhën në një rezervuar, duke ia lidhur me gur që të fundosej.
"Ligori mori në celular Laertin dhe i tha se Fridman Xhaferri ka folur në celular me dikë për punë malli. Neve, siç ishim tek hoteli, na tha Laerti: “Çohuni se do ikim Korçë ta vrasim.” Kur u nisëm për Korçë, unë, Laerti dhe Lulzimi, ky i fundit mori një pistoletë nga një garazh ku mbanin armë këta dhe një makinë me portobagazh. Ndaluam në Pogradec, ku takuam Bledar Berberin dhe Mariglen Topuzin, i morëm në makinë.
Laerti kërkonte gjatë rrugës vend ku do hidhej trupi, edhe Bledari kishte chat email. Pamë një rezervuar. Rrugës bënin dhe shaka, Marigleni i thoshte Laertit: “O lala, ma le ta bëj unë, të mësoj dorën.” Për çdo gjë që ndodhte, Bledar Berberi e merrte vesh dhe e dinin që unë sapo kisha bërë vrasjen në Tepelenë. Unë isha i mpirë.
Në makinë, Laerti i tha: “Do e vrasim Fridmanin.” Marigleni dhe Bledari zbritën më pas nga makina. Ne vijuam për në Korçë. Në një rezervuar që shkuam, Laerti nuk e pëlqeu vendin, ja rekomanduan Bledar Berberi dhe Mariglen Topuzi. Në Korçë shkuam unë, Laerti dhe Lulzimi. Shkuam te shtëpia e Ligor Romaçkës. U nisëm për te rezervuari i Gjanqshit, na çoi Ligori si i zonës. Laertit i pëlqeu. Lulzimin e lamë aty, shkuam dhe morëm një litar e një gomë makine.
E morëm Fridmanin në makinë, po s’i thamë gjë ku do shkonim. I thamë: “Do paketojmë hashash.” Sa mbërritëm, Laerti i thotë Fridmanit: “Po qysh ishte ai muhabeti që ke thënë ‘do flas po s’më nxorët nga burgu’?” Ai tha: “Jo”, qante i shkreti. Lutej: “O Marius,” më thoshte, “thuaj të më falë.” Gjuajti njëherë Lulzimi me e kap në kokë. Ai luajti kokën. Pastaj Laerti i tha Lulzimit: “Vrite.” I gjuajti mbrapa kokës. Po ai lëvizte akoma, merrte frymë akoma. Pastaj i ramë me atë gomën. E lidhën me litar dhe e futën në rezervuar. E lidhën trupin edhe me gomë që ta fundoste në ujë. Njëherë e nxori në sipërfaqe, pastaj e lidhëm me gurë dhe e hodhën brenda."
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Kafshë! Pse duhet të jetoni ju o plera???
E tmerrshme, ç'njerezore, njerez malok pa pike ndjenje njerezore, 97 duket se ska levizur per dike. Vareni te gjithe, pse duhet ushqyer keta pakurizorr?
Fara afgane qe ne vend te trurit kane strumbullare muti, mos te flasim per moral, nder, shpirt e zemer. Kush bushter pjell ne shqiperi ket lloje specie infektoze?!
Shifeni kete lloj dykembesh, torben te varur ne qafe?dhe celsat e makines natyrisht ne dukje, maksimumi i aspiratave per keta lloj qeniesh te gjalla!!
Hidhini edhe keta me nje gur ne qafe ne ndonje lum a liqen te gjalle qe te perjetojne derisa tu dal shpirti ate qe u kane bere te tjerve.