Te fundit
Asgjësimi i 2100 bimëve narkotike, Balla: Goditje grupeve kriminale në të gjithë vendin
10 Gusht 2023, 13:10Kronika
TEMA
Ministri i Brendshëm Taulant Balla ka përshëndetur përmbylljen me sukses të një operacioni antikanabis, që rezultoi me kapjen në flagrancë të autorit dhe asgjësimin e ngastrave të mbjella me bimë narkotike.
Përmes një postimi në rrjetet sociale ministri Balla deklaron se operacionet për goditjen e grupeve kriminale do të shtrihen në të gjithë vendin.
“Ndërsa vijon mega-operacioni kombëtar kundër kultivimit të bimëve narkotike dhe goditja e grupeve kriminale në gjithë territorin e vendit, Policia e Shtetit, sapo kanë përmbyllur një goditje të suksesshme në Vaun e Dejës, duke arrestuar në flagrancë keqbërësit!”, shkruan Balla.
Gjatë operacionit policor të koduar “Corn” u asgjësuan 2100 bimë narkotike kanabis sativa që u gjetën të kultivuara në fshatin Mjedë.
Gjatë operacionit u arrestua në flagrancë, teksa kujdesej për bimët narkotike që i kishte kultivuar nëpër tokën arë të mbjellë me misër, vihet në pranga 28-vjeçari.
Si rezultat i kontrolleve me skuadra të Policisë dhe me dronë të rezolucionit të lartë, me qëllim parandalimin, konstatimin dhe goditjen e kultivimit të bimëve narkotike, shërbimet e Komisariatit të Policisë Vau i Dejës, me mbështetjen dhe të informacioneve nga inteligjenca policore, kanë finalizuar operacionin policor të koduar “Corn”, si rezultat i të cilit u vu në pranga shtetasi S. Gj., 28 vjeç, banues në fshatin Gur i Zi, Shkodër.
28-vjeçari u kap në flagrancë, në një tokë arë të marrë me qira, në fshatin Mjedë, teksa kujdesej për bimët narkotike që i kishte kultivuar nëpër bimë misri, për t’i fshehur.
Në këtë sipërfaqe toke u gjetën të kultivuara 2100 bimë narkotike cannabis sativa, të cilat u asgjësuan nëpërmjet djegies, përveç një pjese të vogël të tyre, e cila u sekuestrua në cilësinë e provës materiale.
Vijojnë hetimet për identifikimin dhe kapjen e shtetasve të tjerë që mund të jenë implikuar në këtë rast kultivimi.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ore Koke qoshe, keta bime nuk u mbollen dje dhe u rriten sote. Ai eshte nje process i gjate. Ku jane komunaret? Apo pike raki gjithe diten dhe presin rracion ne fund te sezonit. 52% te bashkive ju I fituat, te paret qe duhet te arrestohen jane strukturat shteterore, pastaje ai rrogtari qe i prashit. E mbytet ate populle qore me gjenjeshtra dhe propogande. Mos harre qe shefi jote e legalizoi pa qene gati infrastruktura. Suksesi eshte i dukshkem, ne cdo plazhe, ne cdo axhensi turistika pake perfshin dhe nje dore kanabis. KM ka te drejte kur thote nuk do te jete me kaqe lire pushimet, sepse vitit e ardheshem do te jete all inclusive me dy do a kanabis te pefshira, perndryshe plazhi do te frekuentohet nga qeveritaret nudo.