Te fundit
Del dëshmia e Endrit Dokles në polici pas akuzave të familjarëve të Ervis Martinajt
22 Shtator 2022, 09:01Kronika
TEMA
I pari që u mor në pyetje nga hetuesit për zhdukjen e Ervis Martinajt ishte babai i tij, Mustafa Martinaj. Ai tha se kishte humbur kontaktet me të birin, natën kur në telefonin e vëllait të tij Faikut, kishte mbërritur një mesazh nga Dubai.
Atë e niste “një mik që u donte të mirën”. Por babai i Ervis Martinaj nuk thotë në ç’mënyrë i mbante kontaktet me të birin, e shpallur në kërkim. Për zhdukjen ai akuzon në polici, Endrit Doklen dhe Nuredin Dumanin.
“Herën e fundit me Ervisin ka kontaktuar një njeri i afërt. Kontaktet me djalin i kam humbur më datë 9 gusht ora 19:30. Pas kësaj ore, ai nuk ka qenë në linjë. Zhdukja e tij sipas mendimit tim i takon orës 19:30 deri në orën 22:00 të datës 9 gusht 2022. Nuk kam asnjë dijeni për vendin dhe njerëzit që kanë marrë pjesë në rrëmbimin e tij. I afërmi që ka kontaktuar djalin nuk ndodhet në Shqipëri dhe mesa kam dijeni Ervisi nuk ka numër shqiptar.
Zanafilla e kësaj ngjarje lidhet me shpalljen e Ervisit në kërkim për krime të trilluara nga Nuredin Dumani. Sqaroj se ndërprerjen e komunikimit dhe të zhdukjes së djalit i kam marrë vesh nga i afërmi im i cili jeton jashtë shtetit. Dyshoj se Ervisit mund t’i ketë ndodhur diçka e keqe nga grupe kriminale” – ka thënë para hetuesve Mustafa Martinaj, babai i Ervis Martinaj.
Familjarët e Ervis Martinaj, nuk japin më shumë shpjegime për jetën që ai bënte. Një ndër këto dyshime lidhet edhe me hasmëritë që Ervis Martinaj kishte krijuar.
“Unë dyshoj se zhdukja e nipit tim Ervis Martinaj ka lidhje me grupe kriminale dhe individë që i ka përfshirë Nuredin Dumani. Në këtë histori është edhe Indrit Dokle. Ai mund te ketë organizuar gjithçka lidhur me zhdukjen e nipit” – ka thënë para hetuesve Faik Martinaj, xhaxhai i Ervis Martinaj.
Dëshmia e Endrit Dokles
Mbështetur në dëshmitë e familjarëve grupi hetues mori në pyetje edhe Endrit Doklen. Ky person doli edhe në dëshminë e Nuredin Dumanit që tha se ka qenë objektiv i shënjestrës së Martinajt. Por Dokle, ashtu siç pritej, mohoi të kishte lidhje me zhdukjen e Ervis Martinajt.
“Unë nuk kam asnjë lidhje me këtë ngjarje. Dhe po kështu nuk kam asnjë konflikt me Ervis Martinaj” – është shprehur Dokle.
Sipas dosjes hetimore shfaqja e fundit publike e Martinaj, daton të jetë më 9 gusht në Tiranë. Kjo në ambientet e një qendre tregtare pranë Zogut të Zi. Vetëm disa ditë pasi ai ishte parë të lëvizte i lirë në Durrës.
Nga data 9 gusht, kur ai shfaqet në Tiranë dhe deri më 10 gusht që përkon me kallëzimin për zhdukjen e tij, nuk ka më asnjë shenjë.
Për fatin e një personazhi jo të zakontë, të ashtëquajtur “Mbreti shqiptar i lojërave të Fatit”, nga data 11 gusht prokuroria ka regjistruar edhe një vepër penale për “rrëmbim personi”.
Në të gjithë këtë histori, ato që nuk kishin si të mungonin, janë padyshim, teoritë konspirative. Një ndër to është edhe ekzistenca e një video, në pamjes e së cilës shfaqet trupi i copëtuar i Ervis Martinaj.
Një video që thuhet se qarkullon dorë më dorë, por që askush deri më sot nuk e ka parë. As vetë autoritetet ligjzbatuese që mund të konfirmonin vërtetësinë e saj.
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Kokat henshin...keshtu i pagshim te gjithe kriminelet e vrasesit duke henger njeri tjetrin...
Nuk eshte kaq e thjeshte ceshtja. Keta nuk jane hajdut pulash. Keta kriminel jane te lidhur me deputet,shefa policie,kryetar gjykatash e prokurorie, ministra e kryeministra. Keta lloj kriminelesh kane zaptuar segmente ekonomike te vendit dhe mbysin ekonomin e lire me aktivitetin e tyre. Por kriminelet me te medhenj jane ata ne politike ata qe perdorin keta.
Doklja eshte pjese e grupit te shoqerimit te Zamir Manes dhe ne borderone e tij!!! Perfundimi eshte i thjeshte…..
Nuk esht e vertet dhe ky tjetri nga kurbini i ka vrar nje njeri te afert manes ,plus e qelloi ne nje lokal me thik ne kemb , politikanet e 31 viteve kriminela mbollen kete far funderrinash kriminel.
Ceshtja e Ervis Martinaj po trajtohet njesoj si vrasja e Azem Hajdarit. Ervis Martinaj eshte nje kusheri i Shkelzen Berishes. Ketu fillon analiza, pse u be kaq i forte Ervis Martinaj, me para, dhe boss i policise. Eshte pikerisht lidhja me familjen Berisha, qe e beri me para Ervis Martinaj. Babai dhe xhaxhallaret e tij kane bere maskaralleqe ne zone, te gjithe e dine cfare malli i keq jane. Por i biri doli te bente histori, ne baze te lidhjeve me familjen Berisha. Nqse kundershtaret do e kishin vrare, simbas objektivit qe kane, do e kishin trumbetuar vrasjen, kjo do ishte kurorezimi i fitores ndaj kundershtarit. Ervis Martinaj eshte fshehur, qe te shpetoje veten, te mos sulmojne as familjen. Kundershtaret do bejne nje krim tjeter ndaj familjes se Ervis Martinaj, qe ta nxjerrin nga strofulla ku fshihet ne Dragobi-Plave-Guci.