Delegacioni i BE uron Klodian Brahon për marrjen e detyrës në krye të SPAK: Suksese në këtë rol të rëndësishëm

Delegacioni i Bashkimit Evropian në Shqipëri ka uruar Klodian Brahon për marrjen e detyrës si kreu i ri i Prokurorisë së Posaçme Antikorrupsion (SPAK).

Në reagimin zyrtar, delegacioni i BE-së vlerëson SPAK për qëndrueshmërinë përballë presioneve politike si dhe për integritetin e treguar nga paraardhësi i Brahos, Altin Dumani.

Delegacioni i BE-së gjithashtu konfirmon mbështetjen për SPAK dhe Shqipërinë për integrimin në BE.

“Delegacioni i BE-së në Shqipëri uron Klodian Brahon për marrjen sot të detyrës si Kreu i SPAK-ut dhe i dëshiron suksese në këtë rol të rëndësishëm për vendin.

Njëkohësisht, vlerësojmë SPAK-un për qëndrueshmërinë përballë presioneve politike, si edhe për vendosmërinë dhe integritetin e treguar nga Kryeprokurori i mëparshëm, Altin Dumani. Nën drejtimin e tij, SPAK shënoi hapa përpara në luftën kundër korrupsionit të nivelit të lartë dhe kontribuoi në forcimin e besimit të publikut te drejtësia.

Lufta kundër korrupsionit dhe pandëshkueshmërisë, si edhe respektimi i shtetit të së drejtës, janë përgjegjësi e përbashkët e të gjitha institucioneve kyçe dhe një element thelbësor i rrugës së Shqipërisë drejt anëtarësimit në BE, rrugë e mbështetur nga shumica dërrmuese e qytetarëve shqiptarë. U bëjmë thirrje të gjitha institucioneve që të ushtrojnë plotësisht rolin e tyre, të përmbushin përgjegjësitë dhe të bashkëpunojnë pa rezervë për të garantuar llogaridhënie, në dobi të të gjithë qytetarëve.

Presim të vijojmë bashkëpunimin me SPAK-un, teksa e mbështesim Shqipërinë në çdo hap në rrugën drejt Bashkimit Evropian”, thuhet në reagimin e delegacionit të BE-së.

VIDEO/ Dalin pamjet kur dhunohen policët në Vlorë, njëri nga efektivët qëllon në ajër

14:44 Kronika 2 komente

Lëvizte i armatosur në automjet pa targa, arrestohet 30-vjeçari në Lezhë

14:33 Kronika

Prokuroria e Vlorës konfiskon mbi 2 mln euro pasuri një personi të dënuar për pastrim parash

14:23 Kronika

Do u hiqej tenda në biznese, katër persona dhunojnë punonjësin e IMT-së dhe efektivin e policisë në Vlorë

12:55 Kronika 2 komente

Protesta e PD, policia plan masash: Ja akset që do të bllokohen

11:57 Kronika

Plagosja me armë zjarri në Kukës, dorëzohen dy vëllezërit e shpallur në kërkim

11:13 Kronika

2500 sterlina për të nxjerrë kriminelët nga Anglia - Brenda rrjetit të trafikantëve shqiptarë

11:09 Kronika

Në kërkim për pengmarrje, tentoi arratisjen nga vendi, arrestohet në Rinas 36-vjeçari

10:45 Kronika

Klodian Braho merr zyrtarisht detyrën si kreu i ri i SPAK: Fokusi im, respektimi rigoroz i ligjit

10:27 Kronika 4 komente

“Mbyllet kapitulli më sfidues”, Dumani i lë stafetën Brahos: SPAK shumë më i besueshëm sot

10:18 Kronika 12 komente