GJKKO zbardh vendimin: 14 persona shpallen fajtorë për “Pjesëmarrje në organizatë terroriste”

Gjykata e Posaçme e Shkallës së Parë për Korrupsionin dhe Krimin e Organizuar ka shpallur fajtorë 14 të pandehur të akuzuar nga SPAK për veprat penale “Pjesëmarrje në organizatë terroriste” dhe, për disa prej tyre, edhe “Pjesëmarrja në veprime luftarake në një shtet të huaj”. Të pandehurit dyshohet se kanë qenë të përfshirë në rekrutimin e luftëtarëve për konfliktin në Siri.

Vendimi u dha këtë të enjte nga trupi gjykues i përbërë nga gjyqtaret Irena Gjoka, Elsa Ulliri dhe Bib Ndreca, pas zhvillimit të procesit me rregullat e gjykimit të zakonshëm.

Në total, GJKKO ka dhënë 112 vite burg për 14 të dënuarit. Dënimet më të larta, me nga 10 vite burg, u dhanë për Shyqyri Kacën dhe Saimir Kacën, të cilët u shpallën fajtorë si për pjesëmarrje në organizatë terroriste, ashtu edhe për pjesëmarrje në veprime luftarake në një shtet të huaj.

Po ashtu, me nga 9 vite burg u dënuan Bajram Sulaj, Arbër Stafasani, Etion Zani dhe Erion Luto, ndërsa Enes Kaca, i cili përfitoi nga dispozitat e Kodit të Drejtësisë Penale për të Mitur, u dënua me 5 vite burg.

Me nga 8 vite burg u dënuan Ditar Bala, Fatbardh Taushani, Nertil Hysenllari, Ledio Mehmeti dhe Erdet Korro. Ali Balliu u dënua me 7 vite burg, ndërsa Usejd Stafasani me 4 vite burg, në zbatim të dispozitave të Kodit të Drejtësisë Penale për të Mitur.

Sipas vendimit, të gjithë të dënuarit do ta vuajnë dënimin në burgje të sigurisë së lartë, ndërsa SPAK është ngarkuar me zbatimin e vendimit.

Kundër vendimit mund të bëhet ankim në Gjykatën e Apelit të Posaçëm kundër Korrupsionit dhe Krimit të Organizuar brenda 15 ditëve nga njoftimi i vendimit të arsyetuar.

I mituri u mbyt në pishinë në Gjirokastër, kryeinspektori Sula paralajmëron masa pas tragjedisë së 15-vjeçarit: Kush ka shkelur ligjin do ndëshkohet

15:30 Kronika 2 komente

Vrasja e efektivit në Maliq, dëshmon çobani: Autori merrte telefonata që e lajmëronin për çdo lëvizje

15:10 Kronika

Shpërndanin drogë - Gjykata e Vlorës lë në burg të arrestuarit e operacionit “Grupi”

13:15 Kronika

IMT vijon aksionin në Vlorë, shemben objekte që zënë hapësirat publike në qendër të qytetit

12:15 Kronika

Kërkimet për “kambistin” e Bitcoin/ Kontrolle në Pëllumbas dhe Qafë Mollë për autorin Armand Shakaj

11:44 Kronika 1 koment

“Jam sëmurë, po marr serum në QSUT”, gazetari tregon detaje nga ngjarja misterioze e zhdukjes së Eglant Koçit

11:00 Kronika 2 komente

VIDEO/ Mashtrim kompjuterik përmes call center-it, arrestohen në flagrancë 4 organizatorët, procedohen 49 punonjës

10:40 Kronika 2 komente

I mituri humbi jetën në pishinë, arrestohet pronari i kompleksit në Gjirokastër, shoqërohen 7 persona

10:00 Kronika

Dyshohet se u hodh nga kati i 6 i banesës, ndërron jetë 27-vjeçarja në Vlorë

09:10 Kronika

Ishte në kërkim për “shpërdorim detyre”, dorëzohet në polici oficeri i Krimeve

09:00 Kronika