Detaje të reja nga vrasja e 19-vjeçarit në Shkodër, përplasja mes bandave është pista kryesore ku janë përqendruar hetimet.
Mësohet se atentatorët kanë vëzhguar lëvizjet e 19-vjeçarit Erjon Xhenje, i cili u qëllua me breshëri plumbash, duke mbetur i vdekur.
Mediat shkruajnë se një person ka qenë duke vëzhguar lëvizjet e 19-vjeçarit, ndërsa në momentin që ai ka qenë duke pirë kafe është qëlluar nga dy persona me motoçikletë.
Mësohet se pak përpara se të ndodhte atentati, babai i 19-vjeçarit e kishte telefonuar djalin e tij duke i kërkuar që ta shoqëronte deri në Mal të Zi, por Xhenja e kishte refuzuar duke i thënë se ishte në lokal dhe po pinte kafe.
Pak pas vrasjes, i ati u informua dhe shkoi në vendin e ngjarjes, ku u pa edhe duke shpërthyer në lot për të birin.
Grupi hetimor po vijon punën për zbardhjen e ngjarjes, ndërsa janë sekuestruar kamerat e zonës ku ndodhi atentati, me qëllim vëzhgimin e tyre nëse mund të çojnë në identifikimin e autorëve.
Sakaq, janë marrë në pyetje edhe persona në lidhje me ngjarjen, por ende nuk ka asnjë shenjë nga autorët.
Po me ben cudi ky lajm, nuk thuhet asgje per "trimerite" e viktimes. Nuk thuhet sa ka vrare, sa atentateve ju ka shpetuar, sa leke ka pasur. Cfare aktiviteti ka i jati, familja e tij. Nqse ka qene viktime se shoqerohej me kriminele, ndryshon puna. Mua me duket se ka qene objektivi vrasjes, keta me motorr e kane ndjekur disa dite, deri sa e gjeten ne kafe, dhe e ekzekutuan. Eshte ky djali si Briken Martinaj, apo eshte ndonje sherbetor i krimineleve?