Te fundit
Jepte para me fajde dhe kanoste qytetarët, AMP arreston nënkomisarin në Elbasan
6 Korrik 2025, 11:29Kronika
TEMA
AMP ka ndaluar një punonjës policie në Elbasan për kryerjen e veprës penale “Shtrëngim me anë të kanosjes ose dhunës për dhënien e pasurisë”.
Nënkomisari Edison Pemaj u jepte para me fajde personave të ndryshëm dhe më pas nëpërmjet kanosjes ose dhunës u kërkonte kthimin e shumave të mëdha parash.
Njoftimi i plotë:
Në kuadër të operacionit “Last rent” zhvilluar nga Agjencia e Mbikëqyrjes Policore (Rajoni Elbasan - Korçë), nën drejtimin e Prokurorisë pranë Gjykatës së Shkallës së Parë të Juridiskionit të Përgjithshëm Elbasan, u ndalua punonjësi i policisë N/Komisar E. P., me detyrë Specialist për Hetimin e Krimeve në Seksionin për Hetimin e Narkotikëve në DVP Elbasan, i dyshuar për kryerjen e veprës penale “Shtrëngim me anë të kanosjes ose dhunës për dhënien e pasurisë”.
Në vijim të hetimeve të thelluara me metoda speciale u bë i mundur ndalimi i këtij punonjësi, i cili i jepte hua (fajde) personave të ndryshëm dhe më pas nëpërmjet kanosjes ose dhunës i shtrëngonte këta të fundit për kthimin e vlerave të konsiderueshme të parave.
Në cilësinë e provës materiale iu sekuestruan 5 automjete të vitprodhimeve të fundit në pronësi të personave të ndryshëm.
Vijon puna për identifikimin e personave të tjerë të mundshëm të përfshirë në këtë veprimtari kriminale.
AMP mbetet e përkushtuar në misionin e saj për garantimin e zbatimit të ligjit dhe fton qytetarët të denoncojnë çdo rast të abuzimit apo shkeljes së ligjit nga ana e punonjësve të strukturave, duke telefonuar në numrin e gjelbër 0800 9090, ose duke dërguar Email në adresën [email protected].
6 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Shoku Edi ja arrite qellimit: Kjo eshte Policia qe duam.
Fat man, shko komento te Syri i Qimit te Salqiut dhe qaj per humbjen Madheshtore!
Kane bere komisar policie kokrren e mafiozit. Ky qe duhet ti mbronte njerezit nga kriminelet paska qene me kriminel se kriminelet. Ky duhet denuar dyfishi i denimit qe jep ligji.
Ku jane ligjeruesit e komenteve??? Mireserdhet ne Palermon e viteve 80! E viva il Duce!
Se mos eshte i vetem!Ikni o njerez mos rrini ne SKETERRE kur dihet se ky vend nuk behet!
po ku dreqin i gjeni këto mut njerzish