Në kërkim për trafik droge, 45-vjeçari arrestohet pasi tentoi të hynte në Shqipëri nga porti i Durrësit

10 Shkurt 2024, 14:38Kronika TEMA
Në kërkim për trafik droge, 45-vjeçari arrestohet pasi

Një 45-vjeçar, i shpallur në kërkim për trafikim të lëndëve narkotike, u ndalua në Portin e Durrësit.


Bledar Xhufi u kap teksa tentonte të hynte në vendin tonë, nëpërmjet portit të Durrësit. Policia Kufitare e portit të Durrësit dhe Seksioni për Hetimin e Narkotikëve të DVP Vlorë bënë arrestimin e 45-vjeçarit.

Ai është dënuar me 8 vjet burg nga Gjykata e Shkallës së Parë për Krimet e Rënda për veprën penale “Trafikimi i lëndëve narkotike”, kryer në bashkëpunim.

Njoftimi i policisë:

DVP Vlorë/Kontrolle dhe verifikime intensive po kryhen në kuadër të megaoperacionit “Sundimi i ligjit”, për të ndaluar shtetasit e shpallur në kërkim.

Tentoi të hynte në vendin tonë, nëpërmjet portit të Durrësit, ndërkohë që ishte në kërkim sepse ishte dënuar me 8 vjet burgim, për trafikim të narkotikëve, Seksioni për Hetimin e Narkotikëve në DVP Vlorë në bashkëpunim me Policinë Kufitare në Portin Durrës, kapin dhe ndalojnë 45-vjeçarin.

Në zbatim të planit të masave të hartuara në kuadër të megaoperacionit “Sundimi i ligjit” dhe si rezultat i shkëmbimit të informacioneve ndërmjet Policisë Kufitare të portit të Durrësit dhe Seksionit për Hetimin e Narkotikëve të DVP Vlorë, për një shtetas të shpallur në kërkim për të vuajtur një dënim me burgim, në hyrje të Shqipërisë u ndalua Bledar Xhufi, 45 vjeç.

45-vjeçari ishte shpallur në kërkim pasi Gjykata e Shkallës së Parë për Krimet e Rënda e ka dënuar me 8 vjet burgim, për veprën penale “Trafikimi i lëndëve narkotike”, kryer në bashkëpunim.

Materialet procedurale i kaluan Prokurorisë, për veprime të mëtejshme.

 

Lini një Përgjigje