Te fundit
VIDEO/ "Nuk e ndjej veten fajtore", Fatime Kryemadhi: S’e dua gjykimin e shkurtuar! Gjykata rrëzon kërkesën e saj
15 Qershor 2026, 14:15Kronika
TEMA
Fatime Kryemadhi, nëna e Monika Kryemadhit, është tërhequr nga kërkesa për gjykim të shkurtuar në procesin penal ku akuzohet për pastrim parash.
Në seancën e zhvilluar në GJKKO, në momentin kur SPAK pritej të paraqiste pretencën përfundimtare, Kryemadhi kundërshtoi vijimin e procesit me gjykim të shkurtuar, duke deklaruar se nuk e ndjen veten fajtore dhe se organi i akuzës nuk ka marrë në konsideratë të ardhurat e saj.
“Nuk dua gjykim të shkurtuar. Nuk e ndjej veten fajtore. SPAK nuk ka marrë asgjë parasysh nga të ardhurat e mia”, u shpreh ajo para trupit gjykues.
Gjyqtarja i sqaroi të pandehurës se gjykimi i shkurtuar nuk nënkupton pranimin e fajësisë, por zhvillimin e procesit mbi bazën e akteve dhe provave të administruara deri në atë fazë të hetimit dhe gjykimit.
Pas shqyrtimit të kërkesës, gjykata e ka refuzuar kërkesën e Fatime Kryemadhit dhe ftoi prokurorin të lexojë pretencën.
Duke qenë se SPAK nuk e kishte gati pretencën, seanca u shty për në datë 30 qershor.
Fatime Kryemadhi është pjesë e dosjes Meta-Monika Kryemadhi. Ajo dyshohet se në skemën korruptive të ngritur, ka ndihmuar në pastrimin e parave, së bashku me Ema Çokun.
Prokuroria e Posaçme Antikorrupsion ka ngritur ndaj çiftit Meta-Monika Kryemadhi tre akuza: korrupsion, pastrim parash dhe mosdeklarim pasurie.
5 Komente
Lini një Përgjigje
Më të lexuarat
24 oret e fundit
Javen e fundit
SPAK nuk e kishte gati pretencen? Ne diten qe do lexohej pretenca?
Pa dashje e kishta harruar Altin Dumani tek xhepi brekeve te gruas Per kete u shty pretenca
Moj Fatime lesh me qime
Ajo asqyerton se mewēnse Berisha vazhdon nē liri pēr shkak tē moshēs, përse Fatimjs tē mos ketē njē favor tē tillē.
Baxhellë e ndyrë ,hajdute e pa fytyrë.