Te fundit
Ozer: Mos më ekstradoni, më rrezikohet jeta në Turqi, Gjykata e dënon me burg
2 Shtator 2022, 12:53Kronika
TEMA
Gjykata e Elbasanit ka dhënë vendimin dënim me burg për Faruk Ozer, 28-vjeçari turk i akuzuar për mashtrim me vlerë miliona euro me kriptomenedhat.
Gjithashtu është miratuar kërkesa për ekstradim në Turqi.
“Ndaj meje është sulm politik. Mos më ekstradoni, më rrezikohet jeta në Turqi”, kështu ka thënë bosi turk i kriptomonedhave në seancën gjyqësore.
Arrestimi u realizua nga operacionalja e policisë se Elbasanit.
Kjo pas informacioneve të marra për vendodhjen e tij në jug të vendit.
Raportohej se bashkë me të u arrestua edhe Edevaldo Haxhiu, nipi i presidentit të Federatës Shqiptare të Futbollit, Armand Duka.
Ai është akuzuar edhe më herët se ka ndihmuar Ozerin që t’i fshihej autoriteteve.
Gjykata e Tiranës asokohe dha masën “arrest shtëpie” për Edevaldo Haxhiun, i cilin mohoi se ka pasur njohje me Ozeri-in.
Në fillim të prillit të këtij viti, mediat turke kishin bërë të ditur se Prokuroria kishte shpallur në kërkim dhe kishte bërë kërkesë për dënim maksimal ndaj shtetasit turk Faruk Fatih Ozer, i cili dyshohej për mashtrim në kripto.
Sipas tyre Ozer ndodhej në arrati dhe i lirë në Shqipëri.
Faruk Fatih Ozer ishte themeluesi dhe CEO i kompanisë “Thodex”.
Thodex ishte një hapësirë ku përdoruesit mund të ruanin, blinin dhe shisnin kriptovaluta. Faqja e internetit papritmas doli jashtë linje më 19 prill, duke u pamundësuar klientëve aksesin në fondet e tyre.
Thodex ndërkohë kishte informuar përdoruesit se do të dilte jashtë linje për 4 – 5 ditë për shkak të një procesi shitjeje.
Platforma, e cila trajton miliona dollarë në transaksione çdo ditë, ishte një nga platformat kryesore të kriptove në vend.
Përdoruesit shprehën shqetësime në Tëitter, kur nuk mund të hynin në llogaritë e tyre ose të tërhiqnin fondet e tyre, duke çuar në bastisje të policisë në të gjithë vendin.
Si rezultat, pati pretendime se rreth 2 miliardë dollarë para të investitorëve u humbën. Në atë kohë u arrestuan dhe u ndaluan gjatë hetimeve rreth 62 persona.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Mos e ekstradoni , sido qe te jete u kap ketu , ketu ta bej burgun, mos u beni ropqira, se cdo njeri gabon, po atje e vrasin, jo vetem per tu dukur perpara atij psikopatit te turqise , e coni ne turqi
Ju henger mortja per budallalleqet qe shkruani. Gjykata e Elbasanig nuk e ka denuar me burg, pasi nuk ka kompetrncat te gjykoje nje turk per akuza qe i rendojne ne Turqi. Tueku nuk eshte ne gjgkim ne Shqioeri dhe nuk ka denim.nfaj tij. Gjykata e elbasanit mund te jape vetem masen e sigurise persa kohe ky qendron ne Shqioeri. Arrwdti ne burg nuk eshte denim keto jane gjerat elementare qe te mesojne ne shkolle e nje gazetar apo redaktor i kronikes gjyqesore duhet t i dije. Jo te shkruaje budallalleqe se Gjykata e Elbasanit ka dhënë vendimin dënim me burg për Faruk Ozerin
Ka përdhunuar 20 shqiptare ku duhet tju jap nga 100 milion euro dëmshpërblim sejcilës.