Te fundit
Përplasja me armë në Laç, ndërron jetë në spital 24-vjeçari
4 Maj 2025, 08:57Kronika
TEMA
24-vjeçari Gerald Bitri, një nga pesë të plagosurit e përplasjes me armë mesditën e së shtunës në Laç, ka ndërruar jetë në spitalin e Traumës.
I riu nuk ka mundur t’u mbijetojë plagëve të marra dhe ka gjetur vdekjen gjatë natës.
Pesë persona mbetën të plagosur një ditë më parë pranë ish-Gjykatës së Kurbinit, nga një breshëri arme që është derdhur drejt 4 të rinjve.
Ngjarja raportohet të ketë ndodhur pas një sherri mes një grupi të rinjsh në Laç, ndërsa plumbat kanë kapur edhe një grua të pafajshme, e cila po shiste në trotuar.
Nga burime thuhet se të shtënat kanë ardhur pas një sherri dhe autori ka qëlluar me armë automatike drejt një makine ku ndodheshin 4 të rinj.
I dyshuari është larguar menjëherë nga vendi i ngjarjes, ndërsa burime thonë se policia ka arritur ta identifikojë atë dhe po punon për kapjen e tij.
Të plagosur nga të shtënat mbetën shtetasit Amarildo Ndoj, Liridon Ismaili, Daniel Gjeloshi, Angjelina Gjezaj dhe Gerald Bitri, cili ndërroi jetë në spitalin e Traumës.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Kolumbi
A ka shtet?