Te fundit
VIDEO/ Policia parandalon një ngjarje kriminale në Velipojë, vë në pranga 47-vjeçarin pas konfliktit me një 42-vjeçar
14 Janar 2026, 12:43Kronika
TEMA
Policia e Velipojës ka parandaluar një ngjarje të rëndë kriminale, pas informacionit të marrë se në fshatin Gomsiqe, dy shtetas ishin konfliktuar me njëri-tjetrin dhe për pasojë ishte dëmtuar njëri prej tyre. Shërbimet e policisë ndërhynë duke vënë në pranga 47-vjeçarin Ndrek Sallaku, ndërsa i dëmtuari po merr mjekim në spitalin e Shkodrës.
“Specialistët për Hetimin e Krimeve të Stacionit të Policisë Velipojë, menjëherë pas marrjes së njoftimit se në fshatin Gomsiqe, dy shtetas ishin konfliktuar me njëri-tjetrin dhe për pasojë ishte dëmtuar njëri prej tyre, organizuan punën për parandalimin e përshkallëzimit të konfliktit. Si rezultat i veprimeve të shpejta operacionale, u kap dhe u arrestua shtetasi N. S., 47 vjeç. Nga veprimet e para hetimore dyshohet se shtetasi N. S. është konfliktuar fizikisht për motive të dobëta, me shtetasin F. K., në fshatin Gomsiqe. Si pasojë e konfliktit është dëmtuar shtetasi F. K., i cili po merr mjekim në Spitalin Rajonal Shkodër”, njofton Policia.
Gjatë kontrollit në banesën e Sallakut, policia gjeti dhe sekuestroi në cilësinë e provës materiale, një armë zjarri pistoletë që ai e posedonte pa leje.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Policia mos te nderhy ti zgjidhin me kanun keshtu sugjeron non grata