Te fundit
Qefalia përgënjeshtron televizionin pranë Berishës: Personat e përfshirë në incidentin në Rinas nuk janë nipat e mi
24 Shtator 2025, 15:39Kronika
TEMA
Ish-deputeti socialist, Xhemal Qefalia, ka reaguar ashpër pas një lajmi të shpërndarë nga media pranë familjes Berisha, ku pretendohej se nipat e tij ishin përfshirë në një përplasje fizike me policinë në aeroportin "Nënë Tereza".
Përmes një reagimi në facebook, Qefalia ka mohuar përfshirjen e ndonjë familjari të tij në incident dhe ka akuzuar Sali Berishën për përhapjen e lajmit të rremë.
Qefalia paralajmëron Berishën se shumë shpejt do të përballen në Parlament, duke forcuar dhe më shumë zërat se ai do të jetë deputet i Partisë Socialiste edhe në këtë legjislaturë, duke marrë mandatin e Ogerta Manastirliut.
"Përgënjeshtrim! Shpifja e rradhës nga doktor Berisha: “Nipat e Xhemal Qefalisë godasin policët”.
E kuptoj Doktor që je lodhur, por të paktën kurseja vetes këto vite që të mos merresh më me shpifje se s’ke kohë ti korrigjosh.
Ehhh mo Doktor, e di që të ka marrë malli se nuk më sheh në Parlament…por mos u shqetëso se shumë shpejt do të jem aty përballë", shkruan ish-deputeti./ TemA
Më të lexuarat
24 oret e fundit
Javen e fundit
Blog Tema
Lini një Përgjigje