Te fundit
Sa kushtojnë të burgosurit? Kursehen 61 milionë lekë në muaj nëse miratohet amnistia
29 Mars 2024, 16:40Kronika
TEMA
Një pjesë të dënuar e të tjerët në pritje të një vendimi nga gjykata, në 20 burgjet e vendit qëndrojnë aktualisht 5 mijë e 315 vetë. Pjesa më e madhe, mbi 3 mijë janë të paraburgosur ndërsa 2 mijë e 241 qëndrojnë në qeli si të dënuar.
Kosto ditore për çdo të dënuar, ku përfshihen shpenzimet për ushqim, siguria, trajnimi i stafit policor apo shërbimi shëndetësor dhe ai social përllogaritet në 3 mijë e 400 lekë, ndërsa për të paraburgosurit 2 mijë e 800 lekë. Çdo ditë për këto dy kategori të dënuarish dalin nga buxheti i shtetit mbi 16.2 milionë lekë, ndërsa kosto mujore shkon në gati 500 milionë lekë.
Sipas Drejtorisë së Përgjithshme të Burgjeve, burgu i Drenovës në Korçë dhe ai i Shën Kollit në Lezhë janë të mbipopulluar. Ndërkohë, në prag të mbushjes janë edhe disa Institucione të tjerë të Ekzekutimit të Vendimeve Penale.
Për të shmangur një mbingarkesë të mundshme, ulur kostot dhe lehtësuar barrën e vuajtjes për disa krime jo shumë të rënda, qeveria ka propozuar miratimin e “amnistisë penale”. Ministria e Drejtësisë përllogaritet se nëse ajo të miratohet, do të përfitonin rreth 600 vetë. Në drejtim të kostove, nëse nisma do të votohet edhe nga opozita, buxheti do të kursente mbi 2 milionë lekë në ditë apo 61.2 milionë lekë në muaj.
Pas të dënuarve në Rrogozhinë apo Durrës edhe 156 vetë që qëndrojnë në paraburgimin e Vlorës kanë nënshkruar një peticion të cilin ja drejtojnë deputetëve të kuvendit të Shqipërisë. Të burgosurit i kërkojnë deputetëve të miratojnë amnistinë penale. Mazhoranca është optimiste që vota konsensuale nuk do të vonojë me rikthimin e klimës normale në Parlament.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
O doni ti nxirrni o ska keta te burgosur qe jane ne burg se kane shkelur ligjin. Po mire se po na tregoni sa lek u kurseka po ti nxjerrim keta. Po llogarit pak demin qe kane bere keta dhe per te cilin jane denuar me burg. Po sa do rriter perseri hajdutlleku nga keta qe do nxirrni!
Keto jane te "mirat" e mender demokracise qe deshem. Ne vend qe keta te denuar te amnistohen, qeveria do bente me mire qe ti dergonte ne minjera qe te paguanin per ato qe i detyrohen shoqerise. Eshte qesharake, qe keta te denuar te futen ne burg dhe per mbajtjen e tyre te paguajne ... viktimat. Ne rastin e vrasesve, dhe krimineleve te tjere qe kryejne vepra te renda, denimi me vdekje duhet zbatuar, qe te kuptojne te tjeret qe duan ti hyjne rruges se krimit.