Te fundit
U vra me pushkë nga biznesmeni italian pasi i grabiti shtëpinë, zbulohet identiteti i të riut shqiptar
26 Qershor 2025, 18:51Kronika
TEMA
Një sipërmarrës ndërtimi italian ka pranuar se ka vrarë një të ri shqiptar dhe ka fshehur trupin e tij, pasi viktima kishte tentuar të grabiste banesën e tij në zonën e Cilentos, së bashku me 2 bashkëkombës të tij.
Ngjarja ndodhi gjatë natës mes së dielës dhe të hënës, kur tre shqiptarët hynë për të grabitur vilën e biznesmenit 58-vjeçar Aurelio Valiante. Gjatë përplasjes, sipas hetimeve të para, Valiante ka marrë një pushkë gjahu dhe ka qëlluar në drejtim të tyre.
Si pasojë e të shtënave, humbi jetën 25-vjeçari shqiptar, i identifikuar si Rivaldo Rusi, ndërsa një tjetër i ri shqiptar, 28 vjeç, mbeti i plagosur rëndë dhe ndodhet në spitalin “Cardarelli” në Napoli, në gjendje kritike shëndetësore.
Në vend që të njoftonte policinë apo ambulancën, Valiante ka vendosur të fshehë trupin e të ndjerit. Pas disa ditësh heshtjeje, ai është dorëzuar në polici dhe ka rrëfyer ngjarjen, duke udhëhequr hetuesit drejt vendit ku kishte fshehur trupin – një fermë në zonën Limazzo, pranë një fushe sportive. Trupi i të riut u gjet brenda një vaska vere, në gjendje të rënduar.
Një pikë kthese në hetime ishte dëshmia e të plagosurit, i cili nga spitali tregoi se kishte parë mikun e tij të rrëzohej dhe më pas ishte tërhequr zvarrë nga vendi i ngjarjes. Fillimisht deklarata e tij u mor me rezervë, por më pas u vërtetua nga rrëfimi i vetë autorit.
Aurelio Valiante pranoi para Prokurorisë së Vallo della Lucania akuzat për vrasje, fshehje të kufomës dhe lëndim të rëndë trupor. Trupi i viktimës është dërguar në morgun e spitalit “San Luca” për autopsi, ndërsa identifikimi u konfirmua përmes dëshmive dhe verifikimeve të policisë.
Autoritetet italiane kanë nisur hetime të plota për zbardhjen e plotë të rrethanave të kësaj ngjarjeje të rëndë. Ndërkohë, Valiante përballet me akuza të rënda penale dhe pritet të dalë përpara drejtësisë.
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
....kedo qe prek shtepine e tjetrit.
Normal kete do ta bente secili , nderkohe dhe ky qe shkoi ne Qiellin larte....
Normal kete do ta bente secili , nderkohe dhe ky qe shkoi ne Qiellin larte....
Kur te prekin shtepine cdo reagim eshte i justifikueshem. Gabim i italianit eshte levizja dhe fshehja e kufomes. Duhet te therriste ambulancen, policine dhe te deshmonte ne menyre transparente. Edhe sikur te jete i pafajshem per "vrasje per vetembrojtje" do te shpallet i fajshem per "perdorim te tejkaluar te armes", "fshehje te ngjarjes", "fshehje te krimit", "levizje dhe fshehje te kufomes".
Pushka top Italianit!!! Çdo shqiptar të njëjtën gjë do bënte. Po mos tu gjuante ky do t'a kishin vra ata Italianin.