Te fundit
Vdekja e 7-vjeçares në Himarë pasi u përplas nga skafi, Gjykata e Vlorës shpall të pafajshëm efektivët e akuzuar për shpërdorim detyre
16 Korrik 2025, 16:40Kronika
TEMA
Gjykata e Vlorës ka shpallur të pafajshëm efektivët e policisë të akuzuar për shpërdorim detyre në lidhje me ngjarjen tragjike ku humbi jetën 7-vjeçarja Jonada Avdiaj.
Sot u mbajt seanca e fundit e një procesi trevjeçar gjyqësor ndaj grupit të pesë efektivëve, të cilët u përballën me akuzën e shpërdorimit të detyrës.
Në seancën përfundimtare, prokurorja kërkoi dënimin e secilit prej tyre me nga 1 vit e 6 muaj burg, por Gjykata e Shkallës së Parë në Vlorë i shpalli të gjithë të pafajshëm.
Gjykata e Vlorës e dënoi Arjan Tasen me 18 vite burg për “vrasje me dashje”, në bazë të nenit 76 të Kodit Penal. Në zbatim të nenit 406/1 të Kodit të Procedurës Penale, ai përfitoi ulje të një të tretës së dënimit, duke u dënuar përfundimisht me 12 vite burgim.
Ndërkohë, veçmas u gjykua edhe çështja ndaj tetë efektivëve të tjerë, të akuzuar për shpërdorim detyre.
Prokuroria e Vlorës i cilësoi ata përgjegjës për mungesën e masave të sigurisë në plazhe gjatë sezonit turistik, çka sipas saj, kontribuoi në ngjarjen tragjike. Por më 16 korrik 2025, pas tri viteve proces gjyqësor, Gjykata e Vlorës vendosi t’i shpallë të gjithë të pafajshëm.
Ngjarja e rëndë ndodhi më 2 gusht 2022 në plazhin e Potamit, në Himarë. Jonada Avdiaj, vetëm 7 vjeç, humbi jetën tragjikisht pasi u godit për vdekje nga një gomone e drejtuar nga polici Arjan Tase, teksa ajo po lahej në breg të detit së bashku me babain e saj.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Padrejtesi serish - Vrau nje person ne breg te detit, (Nuk e vrau ne thellesi qe te quhet aksident) nje veper e drejteperdrejte kriminale dhe denohesh me 12 vite burg? Turp, Turp, Turp
12 vjet për nje jetë fëmije sepse do të tregosh që ke skaf te kishe vrarë një qen do dënoheshe me shumë .Ketu duhet të ketë komente pa fund jo vetëm kur del surati I S Berishës
Plehrat në fund dalin të fituar më 12 vite burg.
Only in Albanistania !