Te fundit
Yuri Kim: Korrupsioni gërryen potencialin e Shqipërisë
10 Dhjetor 2022, 13:33Kronika
TEMA
Nga Yuri Kim
Teksa shënuam Ditën Ndërkombëtare Anti-Korrupsion dje, është me rëndësi që të rigjallërojmë përpjekjet tona për t’i dhënë fund murtajës së korrupsionit. Korrupsioni iu vjedh qytetarëve dhe brezave të ardhshëm pasurinë dhe shpresën. Ai than rritjen ekonomike, pengon zhvillimin, minon demokracinë, si dhe iu hap dyert kriminelëve, trafikantëve dhe terroristëve.
Prandaj Presidenti Biden, për herë të parë, e përcaktoi anti-korrupsionin si interes thelbësor të sigurisë kombëtare dhe bëri publike një Strategji ambicioze të Shteteve të Bashkuara për t’iu Kundërvënë Korrupsionit. Për ta vënë në zbatim strategjinë, Shtetet e Bashkuara punojnë anembanë globit për të ndihmuar vendet që të parandalojnë ryshfetin, të mbështesin hetimin dhe ndjekjen penale të korrupsionit, promovuar transparencën, si dhe fuqizuar shoqërinë civile dhe median e pavarur për të zbuluar korrupsionin.
Këtë javë, qeveria e Shteteve të Bashkuara dhe Transparency International organizuan Konferencën e 20 Ndërkombëtare Anti-Korrupsion, të përqendruar te mbrojtja e vlerave demokratike nga korrupsioni. E vlerësojmë pjesëmarrjen e zyrtarëve të qeverisë, gazetarëve dhe përfaqësuesve të OJQ-ve në të, përfshi nga Shqipëria.
Shtetet e Bashkuara e mbështesin luftën kundër korrupsionit me veprime të qarta. Ne financojmë reforma në drejtësi, përfshi me BE-në dhe partnerë të tjerë. Mbështesim median investigative dhe organizatat e shoqërisë civile që luftojnë korrupsionin. Përdorim shpalljet non grata dhe sanksionet ndaj aktorëve të korruptuar dhe do të vazhdojmë ta bëjmë këtë. Për shembull, Presidenti Biden nënshkroi në qershor 2021 një Urdhër Ekzekutiv të ri, i cili përqendrohet te krijimi i kostove për ata që përfshihen në veprimtari që minojnë institucionet demokratike dhe destabilizojnë Ballkanin Perëndimor, përfshi në Shqipëri. Ky Urdhër Ekzekutiv është përdorur tashmë për të sanksionuar aktorë të korruptuar.
Shtetet e Bashkuara vazhdojnë të intensifikojnë përpjekjet tona për t’u përballur me korrupsionin dhe për t’iu kërkuar llogari aktorëve të korruptuar. Pse? Sepse ne duam ta shohim Shqipërinë – mike dhe aleate e jona në NATO – të rritet më e fortë dhe më e pasur. Korrupsioni përbën një cënueshmëri të sigurisë kombëtare, kufizon dhe shtrembëron investimet, si dhe minon demokracinë.
I nxisim institucionet e drejtësisë të Shqipërisë që të bashkohen me ne për ta ngritur anti-korrupsionin si çështje qendrore – për të bërë të qartë se të gjithë janë të barabartë përpara ligjit, që askush nuk është mbi ligjin, që ditët e pandëshkueshmërisë po i afrohen fundit, që populli Shqiptar mund të mbështetet tek institucionet shqiptare për të dhënë drejtësi, dhe që cilido ka një mundësi të drejtë dhe të barabartë për sukses në Shqipëri.
Institucionet shqiptare po bëjnë përparim kundër korrupsionit por ka shumë më tepër për të bërë. Lufta kundër korrupsionit është një proces i gjatë dhe i vështirë por suksesi është i mundur. Asnjë vend nuk ka imunitet. Secili vend, përfshi Shtetet e Bashkuara, e lufton korrupsionin çdo ditë. Sfida e Shqipërisë nuk është aspak unike – as nuk është e pakapërcyeshme.
Gjatë vitit të fundit, institucionet shqiptare kanë filluar të ndjekin penalisht çështje që më parë as nuk do ishin prekur. Uniteti ynë si aleatë në NATO ka arritur nivele të reja. Shqipëria ulet me Shtetet e Bashkuara në Këshillin e Sigurimit të OKB-së. Këtë verë, Shqipëria hapi bisedimet për anëtarësim me BE-në, një arritje e jashtëzakonshme që duhet ta bëjë krenar çdo shqiptar.
Gjatë këtij 100-vjetori të vendosjes së marrëdhënieve diplomatike SHBA-Shqipëri, përkushtimi ynë ndaj popullit Shqiptar është më i fortë se kurrë. Rruga përpara – drejt anëtarësimit në BE, drejt drejtësisë – mund të jetë e vështirë, por Shtetet e Bashkuara mbeten të vendosura për të qenë në krahun tuaj çdo hap, në mënyrë që të ecim përpara së bashku. Gjithnjë përpara, gjithnjë bashkë.
8 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Mos pirdh kot Kim-ete se ta futen tubin tani !
FLM.Zonjë.Më shumë e doni shqipërinë ju që jeni e përkohshme për detyrën e nderuar që keni, sesa bandat mafjoze,të korruptuara të politikës,parlamentit dhe drejtësisë së ndyrë shqiptare. Shqiptarët janë qënie të korruptuara në strukturën e ADN.Ndryshe nuk shpjegohet fenomeni që cilido që ka një detyrë shtetërore mendon vetëm si ta vjedhë,korruptojë dhe degjenerojë dhe shkatërrojë interesin kombëtar për qëllime private të ulta dhe mizerabël.
Kim bravo, po kam degjuar se djali Bidenit eshte perfshire ne nje afere korruptive si shkelzen berisha, i thuaj mos te amnistoj djalin se perfiton dhe djali i non grates. Don zoti Kim dhe ta zgjasin dhe nje vit mandatin qe hajdutet e 32 vjeteve nese nuk denohen te pakten te shurrohen nga frika
Kim ti shoqerohesh me kerricin e Vucicit qe eshte simbol i korrupsionit. Kerrici i Vucicit per cdo leje pallati merrte 20% te vleres. Kerrici u zgjodh kryetar i Partise Socialiste me moton nje pallat nje vote bleu gjithe asamblen. OSBE-ja para 10 vjetesh llogariste pasurine e Rames diku 200-300 milion euro. Keto 10 vjet kryeminister ai e ka dhjetefishuar ate me dhjetera tendera te shitur. Vetem em Iceneratoret 400milion Euro. Aeroporti i Rinasit, tenderat e rrugeve , porti i Vlores dhe i Durresit qe u shkaterruan per te ndertuar pallate e hotele. Vetem me shitjen e energjise Serbeve nen vlere dhe blerje energjie prej Serbeve 2-3 here me te lart ne cmim Rama fiton mbi 100 milion euro ne vite. Sa e sa vjedhje te tjera...
Taulant ti gjithmon thua te kunderten e problemeve ,ngateron saliun me Ramen ,o debil shiko pasurine e sales qe te le pa fjale mor idiot Rama e ndryshoi shqiperine sala e rrenoi por rregulloi shtepine e tij.gjel pa pupla
Taulant ti gjithmon thua te kunderten e problemeve ,ngateron saliun me Ramen ,o debil shiko pasurine e sales qe te le pa fjale mor idiot Rama e ndryshoi shqiperine sala e rrenoi por rregulloi shtepine e tij.gjel pa pupla
Te qofte rruga e mbare zonje por hajdutet i le akoma ketu dhe do ti gjesh edhe pas 50 vitesh po te jetoje kaq gjate!
Kur të shkoni në shtëpi, bëni një favor të fundit për shqiptarët: Propozoni Kongresit të pranojë zyrtarisht "Korrupsioni është një sistem operativ efikas i shteteve të Ballkanit". Ose “përcaktoni ligjërisht” kush “ka të drejtë vote” dhe kush jo! Një fshatar që shet votën e tij nuk është i krahasueshëm me një inxhinier!