Te fundit
Zbulohen serra me kanabis në Vaun e Dejës, asgjesohen 2200 bimë kanabisi dhe 578 fidanë
28 Prill 2025, 12:16Kronika
TEMA
Policia në Vaun e Dejës ka evidentuar dy raste të tentativës për kultivim të bimëve narkotike, konkretisht në fshatin Vig.
Në dy zona të shpyllëzuara të këtij fshati u zbuluan 2200 bimë të dyshuara si kanabis të kultivuara në tokë, si dhe 578 fidanë të dyshuar narkotikë të mbjellë në kubikë.
Nga njoftimi i policisë bëhet me dije se një pjesë e bimëve dhe fidanëve u sekuestrua, ndërsa pjesa tjetër u asgjësua në vend përmes djegies.
Policia ka nisur hetimet për identifikimin dhe kapjen e autorëve të përfshirë në kultivimin e bimëve dhe fidanëve.
Njoftimi i Policisë:
Plan i detajuar operacional i koduar “Koordinata”, për parandalimin, evidentimin dhe goditjen e tentativave për kultivim të bimëve narkotike.
Operacioni masiv do të shtrihet në të gjithë vendin.
Të përfshira në operacion, Drejtoritë Vendore të Policisë, Forcat Kombëtare të Sigurisë dhe Policia Kufitare.
Në kuadër të operacionit, u evidentuan dhe u goditën nga Komisariati i Policisë Vau i Dejës, 2 raste të tentativës për kultivim të bimëve narkotike.
Gjenden në 2 zona të fshatit Vig, 2200 bimë të dyshuara narkotike cannabis sativa të kultivuara në tokë dhe 578 fidanë të dyshuar narkotikë cannabis sativa të kultivuar në kubikë.
Si rezultat i kontrolleve të kryera në zbatim të planit operacional që është hartuar nga Drejtoria e Përgjithshme e Policisë së Shtetit, për të evidentuar dhe goditur që në fazë fillestare, tentativat për kultivim të bimëve narkotike, në të gjithë territorin e vendit, shërbimet e Komisariatit të Policisë Vau i Dejës, me përdorimin e dronit, bazuar dhe në informacionet e siguruara nga inteligjenca policore, kanë evidentuar në dy zona të shpyllëzuara në territorin e fshatit Vig, 2200 bimë të dyshuara narkotike cannabis sativa të kultivuara në tokë dhe 578 fidanë të dyshuar narkotikë cannabis sativa të kultivuar në kubikë.
Një pjesë e bimëve dhe e fidanëve u sekuestrua në cilësinë e provës materiale, ndërsa pjesa tjetër u asgjësua me djegie.
Vijon puna për identifikimin dhe nxjerrjen përpara përgjegjësisë penale të autorit/ve të kultivimit të bimëve dhe fidanëve.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Nje Lazarat kishte Shqiperia nen regjimin diktatorial te Sali Berishes, e gjithe Shqiperia eshte Lazarat nen regjimin narko te Edvin Rames....lol = Pozitive, se droni qe i bleu Erdoganit, i punojne kamerat....lol