Zhvatën klientët/ Gjykata e Tiranës lë në burg drejtorin e degës së UBA Bank, detyrim paraqitje për të tjerët

Gjykata Penale e Tiranës ndryshoi 10 nga 11 masat e sigurisë të caktuara më herët ndaj punonjësve të një dege të UBA Bank, ku Prokuroria e Kryeqytetit zbardhi një skemë të mirëfilltë vjedhjeje parash.

Masa e arrestit në burg u konfirmua vetëm për drejtorin e filialit, Albin Keta, ndërsa 10 personat e tjerë, mes të cilëve zëvendësdrejtori Gilbert Hoxha, njëherësh përgjegjës operacional, u lanë në masën “detyrim paraqitje”.

Rreth 400 mijë euro është shuma e zbuluar deri në këtë fazë të hetimeve, që u është vjedhur dy klientëve të UBA Bank, njëra llogari në euro dhe tjetra në dollarë.

Hetimi nga Prokuroria e Kryeqytetit nisi pas kallëzimit të një shtetasi, i cili denoncoi ndërhyrjen e paautorizuar në 3 llogari të tij bankare, prej nga u morën 5 milionë lekë. Organi i akuzës regjistroi procedim penal, teksa këtij kallëzimi iu bashkëngjit edhe një tjetër që u bë nga vetë filiali i bankës, për tërheqjen e një tjetër shume të një klienti.

12 persona, mes të cilëve arkëtarë të bankës, janë identifikuar deri më tani si përgjegjës për konsumimin e veprave penale të vjedhjes duke shpërdoruar detyrën, falsifikim dokumentesh dhe falsifikim kompjuterik.

Drejtori dhe zëvendësdrejtori i bankës, Albin Keta dhe Gilbert Hoxha, u arrestuan pak ditë më parë për këtë çështje, pasi ata kanë shpërdoruar detyrën duke përvetësuar shumat monetare të dy klientëve nëpërmjet përdorimit të mandateve të tërheqjes false, përmes ndërhyrjes së kundërligjshme në sistem dhe përmes konvertimeve valutore, duke bërë hapje/mbyllje depozitash si dhe ndryshim të të dhënave pa autorizim.

Për 6 punonjës u firmos më herët masa “arrest në shtëpi” dhe për 4 të tjerë “pezullimi i ushtrimit të një detyre a shërbimi publik”, por gjykata vendosi të ndryshonte qëndrim, duke i lënë të gjithë në masën “detyrim paraqitje”. Për një punonjëse nuk u bë e mundur ekzekutimi i masës, për shkak se ajo nuk u gjet në adresën përkatëse.

Prokuroria thotë se i gjithë grupi ka bashkëpunuar me drejtuesin e bankës dhe zëvendësdrejtuesin për të vjedhur shuma parash në llogaritë bankare të klientëve.

E rëndë në Kurbin, vajza vret nënën 85-vjeçare me thikë, e raporton si vdekje natyrale (EMRI)

14:10 Kronika

Protesta për resortin në Zvërnec, banori: Jam pro investimit, por këtë pronë ma kanë marrë me dokumente false

13:50 Kronika

U plagos gjatë aksionit në Maliq, reagon Spitali i Traumës: Efektivi vijon të jetë i intubuar, por me parametra jetësore të qëndrueshme

13:40 Kronika

Gara për drejtor policie në 4 qarqe, përfundon procesi i pikëzimit! Të parët renditen Adriatik Tafçiu, Ervin Hodaj dhe Edvin Ndreu

12:50 Kronika

I dënuar në Itali për trafik droge dhe kanosje: Arrestohet në Kurbin 54-vjeçari, pritet ekstradimi (EMRI)

12:00 Kronika

Detaje nga zhdukja e drejtuesit të lartë të Gardës së Republikës, familja: Ka probleme me kujtesën. Mjekët: I është kthyer…

11:47 Kronika

I akuzuar për vrasjen e Klevis Lleshit në vitin 2020: Sajmir Kolaveri ekstradohet nga Italia

11:38 Kronika 3 komente

Shpërthim me tritol në Lezhë, lënda plasëse vendoset në derën e banesës

09:08 Kronika 1 koment

Përplasje me grushta dhe sende të forta mes disa personave në Sarandë. 6 të shoqëruar

08:30 Kronika

Aksident i rëndë në Fier-Vlorë, makina përplas për vdekje një person

07:42 Kronika