“Brengë’’, autori Pashko Camaj vjen me romanin e dytë

Me një vepër që merr spunto nga histori reale, pas botimit të “Porosia e Kullës”, Pashko Camaj vjen me librin e dytë në Shqipëri.

Si një simbolikë e dhimbjes dhe dhunës së komunizmit, personazhi kryesor, i bazuar në një figurë reale, mbart një brengë të përhershme në jetën e tij. Një natë, para arritjes drejt një toke të lirë së bashku me dy shokë, njëri prej tyre nuk ia doli dhe u bë viktimë e vuajtjeve të përndjekjes gjatë diktaturës.

Me titullin origjinal “Kur Shqiponjat qajnë”, në bashkëpunim me botuesin Bujar Hudhri, autori vendosi që botimi në Shqipëri të titullohet “Brengë”, duke iu përshtatur më mirë narracionit të veprës.

“Është e habitshme se si Pashko, i cili ka qenë në Shqipëri vetëm disa herë pas ’90-ës, ka shkruar një libër që flet kaq thellë për Shqipërinë. Personazhet janë pjesë e kombit shqiptar,” u shpreh botuesi Hudhri.

Një sintezë e dy botëve paralele, asaj të izolimit dhe asaj të lirisë, vepra mbart edhe vlera të veçanta stilistike.

Sekretar i Përgjithshëm i shoqatës “Vatra” në Shtetet e Bashkuara të Amerikës, autori Pashko Camaj sjell për lexuesin një roman të dedikuar të gjithë atyre që mbetën viktima të një regjimi të egër totalitar. A.K./TemA

Dy romane të Kadaresë përkthehen në rusisht

13:19 Kulturë

Artizanet e Veriut ruajnë traditën e qëndisjes

13:08 Kulturë

Autoriteti i Dosjeve organizon aktivitet për Ditën Ndërkombëtare të Përkujtimit të Viktimave të Holokaustit

11:33 Kulturë

Shqipëria merr pjesë Konkursin e Arteve Pamore në Francë

11:07 Kulturë

Rijetëzimi i kullave: nis mbledhja e të dhënave (VIDEO)

09:05 Kulturë

Shkarkohet drejtori i Bibliotekës Kombëtare Piro Misha

18:51 Kulturë 3 komente

Xhevahir i arkitekturës: Manastiri i Kryeengjëjve në Derviçan

18:14 Kulturë 2 komente

TKOB i mbushur përplot, "Ku ka si Tirona" korr sukses të jashtëzakonshëm

16:07 Kulturë

Gonxhja: mbështesim artizanatin dhe ekonominë lokale

14:04 Kulturë

Shfaqjet me kukulla në kryeqytet, një oaz qetësie mes të ftohtit

12:03 Kulturë