Dita e Alfabetit të Gjuhës Shqipe, për herë të parë festë zyrtare në Shqipëri

Shqiptarët e quajnë nëntorin si muajin e tyre, me festat e datave 28 dhe 29 kur është shpallur pavarësia dhe çlirimi i vendit.

Mirëpo, historia e zyrtarizimit të shtetit shqiptar nis që më 22 nëntor të vitit 1908, ku Kongresi i Manastirit standardizoi alfabetin e gjuhës shqipe, që sot përkujtohet si dita e alfabetit.

Në të morën pjesë 50 delegatë nga 26 qytete të ndryshme, klube dhe shoqata. Në këtë Kongres u miratua vendimi që të pranohet alfabeti latin me disa ndryshime të shkronjave duke i adaptuar ato për gjuhën shqipe.

Në Manastir, në atë kohë, kanë marrë pjesë intelektualë shqiptarë nga të gjitha trojet shqiptare, pasi qyteti ka qenë qendër e konsujve dhe ishte më i sigurt për mbarëvajtjen e këtij procesi të rëndësishëm kombëtar.

Kryetar i Kongresit u zgjodh Mithat Frashëri, kurse nënkryetarë ishin Luigj Gurakuqi dhe Gjergji Qiriazi, ndërsa motra e tij Parashqevi Qiriazi, ishte gruaja e vetme në këtë Kongres.

Sipas numrit dhe rëndësisë së pjesëmarrësve, Kongresi i Manastirit ka qenë ngjarja më e rëndësishme e popullit shqiptar në fillimet e shekullit XX, ku si rezultat i kësaj pune më 28 Nëntor të vitit 1912 u shpall edhe pavarësia e Shqipërisë.

Për shqiptarët e Maqedonisë kjo ditë është ditë feste dhe nuk punohet, ndërsa në Manastir funksionon Muzeu i Alfabetit të Gjuhës Shqipe, në të cilin gjenden rreth 56 fotografi të pjesëmarrësve dhe 230 dokumente në formë digjitale dhe në letër.

“Në anën e duhur të historisë”, Biblioteka Kombëtare sjell koleksionet që pasqyrojnë Çlirimin e Shqipërisë

10:18 Kulturë

Dita e Alfabetit, Begaj takim me nxënësit fitues të Konkursit Kombëtar të Gjuhës Shqipe: Sot festojmë thesarin tonë më të çmuar

10:16 Kulturë

“Ditët e Alfabetit”, Arkivat ekspozojnë “Dorëshkrimet e Kadaresë” në Shkup

09:25 Kulturë

22 Nëntori, Dita e Alfabetit të Gjuhës Shqipe, por Shqipëria rrezikohet nga analfabetizmi!

08:33 Kulturë

Vdes në moshën 100-vjeçare bashkëshortja e Dhimitër Shuteriqit, shkrimtarja Mynever Shuteriqi

08:20 Kulturë 2 komente

Fronëzohet Mitropoliti i ri i Beratit, Vlorës dhe Kaninës, imzot Asti Bakallabashi

08:17 Kulturë 6 komente

“Nëna” e Florian Zeller vjen në ArTurbina

20:18 Kulturë

“Idioti” i Dostojevskit dhe fati i njerëzve të mirë, në një shoqëri të korruptuar

19:03 Kulturë 1 koment

Rrëfehet Diana Çuli: Si funksiononte Lidhja e Shkrimtarëve në komunizëm!

18:49 Kulturë 1 koment

Pas botimit në kolanën ndërkombëtare, përralla “Hana, vajza që kapi diellin” e Rovena Rrozhanit vjen edhe në shqip

18:17 Kulturë