Te fundit
Fieri nis sezonin teatror me shfaqjen plot humor të Pëllumb Kullës, "Magjia e skenës fierake"
18 Prill 2025, 13:20Kulturë
TEMA
“Magjia e skenës fierake” ka ngritur siparin e teatrit “Bylis” në Fier, duke emocionuar publikun vendas dhe jo vetëm.
Libreti plot humor i Pëllumb Kullës, nën drejtimin e Viktor Zhustit dhe Era Makoçit, si dhe me interpretimin e një sërë aktorësh të rinj, i fali publikut të qeshura pa fund, duke risjellë në vëmendje momentet kulmore të 60 viteve punë të Kullës në këtë teatër.
“Në këtë teatër kam shkrirë gjithë rininë time bashkë me shokët. Pëllumb Kulla gjeti shtratin këtu, por edhe ne gjetëm Pëllumb Kullën, majën e ajsbergut ose një margaritar,” u shpreh Artisti i Popullit, Luftar Paja.
“Pëllumb Kulla ka arritur në një moment që ne e konsiderojmë një legjendë të gjallë, që duhet patjetër ta prekim dhe ta jetojmë,” deklaroi aktori dhe regjisori Leonard Bombaj.
Regjisori, njëherazi edhe dramaturgu i njohur, z. Kulla u ndal tek nevoja e artit teatrit dhe e ndikimit të tij në shoqëri.
“Nevoja e teatrit, nevoja e humorit, e lëvizjes artistike dhe e mësymjes së talenteve që vijnë rreth kësaj skene… është e nevojshme,” tha z. Kulla.
Shfaqja “Magjia e skenës fierake” përcolli shumë humor dhe riktheu në skenë për përkujdesjen muzikore, Ferit Hoxhën, Brunilda Sota Hoxhën, Dritan Boriçin, me udhëheqës artistik Gëzim Kamen.
Bashkia e Fierit ka mundësuar edhe botimin e 7 vëllimeve me veprën e Pëllumb Kullës në vite.
/RTSH/
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Gjigandi i Teatrit e Humorit ,pas asaj Aventure te gjate pertej Oqeaneve ,kthet si Uliksi ne Atdhe ,ne Kullen e tij. Nji Ogur i Mire per Fierin/Teatrin dhe Shqiperine ... Pushka- Top, Gjigand .