Gonxhja: Vepra e mjeshtrit të madh Çesk Zadeja, e pavdekshme

Ministri i Ekonomisë, Kulturës e Inovacionit, kujtoi me nderim dhe mirënjohje, jetën dhe veprën e pavdekshme të mjeshtrit të madh, Çesk Zadeja (8 qershor 1927- 15 gusht 1997).

“Një pionier dhe figurë që i dha formë dhe shpirt muzikës shqiptare, ku përmes veprës së tij ngriti ura ndërlidhëse mes brezave dhe kulturave, duke sjellë harmoninë dhe bukurinë e muzikës në çdo notë që kompozoi”, shkroi Blendi Gonxhja për themeluesin e kompozicionit shqiptar.

Çesk Zadeja u diplomua në Konservatorin “Santa Cecilia” të Romës. Që në bankat e shkollës ka qenë këngëtar i korit dhe instrumentist i orkestrave shkollore dhe të qytetit.

Në vitet 1946-1947 ka drejtuar redaksinë e muzikës në Radio Tirana dhe më pas dirigjent i Ansamblit të Ushtrisë. Çesk Zadeja u bë i njohur dhe zuri një ndër vendet e korifeut të muzikës sonë pas përfundimit shkëlqyeshëm të Konservatorit “Çajkovski” të Moskës. Fill pas diplomimit ai përfundoi “Simfoninë” me të cilën fitoi çmimin e parë kombëtar.

Zadeja ka dhënë ndihmesën e tij si udhëheqës artistik i Ansamblit të Këngëve dhe Valleve, si pedagog në Konservatorin e Tiranës, si udhëheqës artistik i Teatrit të Operës dhe Baletit në Tiranë. Ai mban titujt “Artist i Popullit” dhe “Profesor”, si dhe ka merituar shumë urdhra dhe çmime. Sot e kësaj dite disa veprimtari kombëtare muzikore mbajnë emrin e tij. Një vit më parë Çesk Zadeja u nderua nga Akademia e Shkencave e Shqipërisë, me titullin e mirënjohjes “Nderi i Akademisë”.

Publiku i thjeshtë e kujton kompozitorin përmes muzikës të fuqishme të filmit “Skënderbeu”, shkruar në bashkëpunim me një kompozitor rus.

Titulli i lartë u akordua me motivacionin “Personalitet unik në historinë e muzikës shqiptare, që hodhi themelet e shkollës kombëtare të saj; me kontribute të shquara si ideator, realizues dhe drejtues institucionesh qendrore universitare dhe kulturore; personalitet me vlera origjinale në art e kulturë”.

U nda nga jeta në Romë më 15 gusht 1997. A.K./TemA

Vjen "Jackpot", komedia e humbur e Jackie Chan

10:45 Kulturë

“Shtëpia e verdhë” e Bashkim Hoxhës! Promovohet vepra më e re e shkrimtarit dhe dramaturgut të njohur

07:43 Kulturë

164 vjet nga lindja e artistit të jashtëzakonshëm, Kolë Idromeno!

20:51 Kulturë 3 komente

Ndërron jetë në moshën 94-vjeçare aktorja amerikane Gena Rowlands!

19:56 Kulturë

Kalaja e Gjirokastrës, sërish rekord vizitorësh edhe në korrik

18:10 Kulturë

Kremtim i fjetes së hylindëses Mari!

17:32 Kulturë 1 koment

Ndërhyrje e vështirë për kullën e sahatit në Krujë

16:00 Kulturë

Gonxhja: 251 693 vizitorë në parqet arkeologjike nga janari deri në korrik!

14:00 Kulturë

Java Kulturore Britanike sjell në shtator festivalin e kuruar nga Lea Ypi!

12:08 Kulturë

Ekspozita e veçantë në Durrës/ “Turistë të përgjuar”, pushime nën syrin vigjilent të Sigurimit

10:03 Kulturë