Korça në ritmin e “Lulu Fest”, 150 artistë sjellin tingujt e rajonit

150 artistë nga vende të ndryshme të rajonit, janë mbledhur në qytetin e Korçës, për edicionin e parë të “Lulu Fest”.

Në një postim online, kryebashkiaku i Korçës, Sotiraq Filo shpjegoi se, edicioni i parë i Festivalit Ndërkombëtar të Bandave Frymore – “Lulu Fest”, është një tjetër dëshmi e gjallë e traditës dhe shpirtit kulturor që e bën Korçën unike.

“Dita e parë e festivalit nisi me ekspozitën “Kur koha marshon” në Zonën Këmbësore, vijoi me Masterclass-in në Qendrën e Artit dhe Inovacionit, dhe kulmoi me Paradën e Bandave, që pushtoi bulevardet e qytetit me muzikë, hare dhe emocion”, tha ai.

“Lulu Fest” është më shumë se një festival, është një homazh për artin frymor, për traditën korçare dhe për mjeshtrit që e kanë bërë këtë qytet të tingëllojë ndryshe”, theksoi Filo.

Ai theksoi se “Lulu Fest” është një traditë e re që sapo ka nisur, me ritmin e shpirtit korçar.
Festivali frymëzohet gjithashtu nga banda historike “Vatra”, që ka qenë simbol i kulturës muzikore korçare mbi një shekull më parë dhe që Filo tha se është një trashëgimi që duhet ringjallur te brezat e rinj.

Festivali vijon edhe gjatë kësaj fundjave, më 25 e 26 tetor, ku do të ketë dhe performanca të shumta në rrugët e qytetit dhe në sheshin qendror të Korçës.

“Ky është edicioni i parë i një festivali që e kemi konceptuar me dashuri dhe respekt të veçantë për traditën korçare, por edhe me një vizion të qartë për të ardhmen kulturore të qytetit”, tha Filo.

Momenti kulmor do të jetë koncerti i madh në fund të festivalit, kur të gjithë artistët, vendas e të huaj, do të interpretojnë së bashku veprën “Dua më shumë Shqipërinë”. /atsh/

“The Unknown”, performancë hip-hop nga balerinët e Festivalit Ndërkombëtar të Dancit

14:13 Kulturë

108-vjetori i themelimit të Liceut Francez të Korçës

14:05 Kulturë

Gjergj Fishta: profil i një veprimtari shumëdimensional

13:20 Kulturë 1 koment

“Udhëtim në fëmijëri”, koncert me muzikën e kompozitorit Feim Ibrahimi

13:08 Kulturë

“Ajo u kthye pas 54 vitesh për të puthur tokën: Drita Ivanaj e bija e Martin Ivanajt, zbriti në Rinas, por pa…” / Rrëfimi i panjohur i trashëgimtares

12:43 Kulturë 1 koment

“Çasti i Duhur” - Zëri i artë i polifonisë, Irini Qirjako rrëfen emocionet e karrierës

11:08 Kulturë

Shtegu Fishtjan, pelegrinazh për 4 ditë në fshatin ku u lind dhe jetoi At Gjergj Fishta

10:06 Kulturë

Ja si e përshkruante Balzaku: Karakteri dhe pamja e Aliut të Tepelenës

09:18 Kulturë 1 koment

Poeti i dashurisë, shpirtit e liqenit/ Eventi në Galerinë e Artit Digjital në Korçë për nder të Lasgush Poradecit

09:06 Kulturë

Fshati i Linit shpallet “Ansambël Arkitektonik Urban”, Rama ndan pamjet

08:58 Kulturë 3 komente