Marsela Çibukaj, spektakël në “Porto Palermo Festival”

Mbrëmjen e 14 gushtit, skena e Kalasë së Ali Pashës u mbush me dritë, tinguj dhe emocion, teksa Porto Palermo Festival mirëpriti sërish një nga artistet më të dashura të tij, Marsela Çibukajn.

Prezentë në të gjitha pesë edicionet e festivalit, Marsela është bërë një simbol i këtij eventi veror, duke krijuar një lidhje të veçantë jo vetëm me publikun, por edhe me mikun e saj të ngushtë, Olen Cesari, violinist me famë ndërkombëtare dhe organizator i festivalit.

Kjo miqësi e gjatë dhe bashkëpunimi artistik i kanë dhënë gjithmonë performancave të saj një dimension të veçantë dhe një ngrohtësi që ndjehet në çdo notë.

Këtë herë, Marsela solli një koncert që përmbante gjithçka, nga baladat që prekin zemrën, te ritmet soul dhe tingujt modernë që ngjallin energji te publiku.

Ajo interpretoi jo vetëm këngët e saj të njohura, por edhe krijimet më të reja, si “Tym Duhani dhe Raki”, e cila u prit me duartrokitje dhe këndim nga të pranishmit. Zëri i saj i fuqishëm dhe interpretimi plot ndjenjë shndërruan mbrëmjen në një përjetim muzikor të rrallë.

Atmosfera ishte e ngrohtë dhe intime, por njëkohësisht plot energji. Publiku, i ardhur nga vende të ndryshme, këndoi dhe kërceu bashkë me të, duke e kthyer këtë koncert në një festë të madhe nën qiellin e hapur të Porto Palermos. Çdo moment dukej sikur ishte pjesë e një tregimi të bukur që Marsela dhe festivali e shkruajnë së bashku prej pesë vitesh.

Mbrëmja e 14 gushtit konfirmoi edhe një herë se Marsela Çibukaj është jo vetëm një nga zërat më të veçantë dhe të dashur të skenës shqiptare, por edhe një pjesë e pandashme e shpirtit të Porto Palermo Festival, një mike e përhershme, një artiste e përkushtuar dhe një interpretuese që di si ta shndërrojë çdo natë në një kujtim të paharrueshëm.

Tv Klan

Eda Zari, natë magjike në “Porto Palermo Festival”

13:30 Kulturë

KPop Demon Hunters, prodhimi i Netflix që u kthye në sensacion global

12:28 Kulturë

Regjisori Gentian Koçi: E dua këtë qytet, por më shqetëson egërsia në sytë e njerëzve

11:30 Kulturë 16 komente

Gjirokastër - Në tunelin nëntokësor ekspozohen objekte para ’90, kureshtje për vizitorët

11:25 Kulturë

VIDEO/ Ndoshta nuk e keni parë akoma! Ky është një nga serialet më të nënvlerësuar ndonjëherë, por që…

10:45 Kulturë

Lezha festoi “Ditën e Shtegtarit”, këngë dhe valle në sheshin e qytetit

10:24 Kulturë

Kalaja e Bashtovës hap dyert për vizitorët pas restaurimit

09:23 Kulturë

L’uomo RAI

08:56 Kulturë 1 koment

Enver Robelli: Rasti kur feja prodhon harmoni dhe humor, jo vetëm paralajmërim e qortim

08:20 Kulturë 40 komente

Shqiptarët e Kosovës gjatë komunizmit në Shqipëri: Na u nxi jeta në burgje e kampe

23:29 Kulturë 9 komente